اسرائیل کے لبنان پر حملے 3 صحافیوں طبی عملے کے 5 ارکان سمیت 16 جاں بحق

پاکستان نیوز پوائنٹ
اسرائیل کے لبنان میں بھی حملے،، جنوبی لبنان میں بمباری سے 3 صحافیوں اور طبی عملے کے 5 ارکان سمیت 16 افراد جاں بحق ہوگئے۔حزب اللہ نے حملوں کی شدید مزاحمت کی، دو افسران سمیت نو اسرائیلی فوجی زخمی ہوگئے، اسرائیل نے حزب اللہ کے دو عہدیداروں کو شہید کرنے کا دعویٰ کر دیا، لبنان میں دو مارچ سے اب تک جاں بحق افراد کی تعداد ایک ہزار ایک سو نواسی ہوگئی، تین ہزار چار سو ستائیس زخمی ہوئے۔لبنان کی وزارتِ صحت کے تحت قائم ہنگامی آپریشنز مرکز کے مطابق یہ حملہ ضلع صور کے قصبے الحانیہ پر کیا گیا، جاں بحق ہونے والوں میں چھ افراد شامی شہری ہیں جبکہ مرنے والوں میں ایک بچہ بھی شامل ہے، حملے میں مزید نو افراد زخمی بھی ہوئے۔قصبے کفر تبنیت پر ہونے والے اسرائیلی فضائی حملے میں فوجی اہلکار جاں بحق ہوگیا، فوجی کمانڈ کے جاری کردہ بیان کے مطابق یہ تازہ حملہ اس سے پہلے کے ایک حملے کے بعد سامنے آیا ہے جس میں دیئر الزحرانی کے قصبے میں ایک فوجی جاں بحق ہوا تھا۔