امریکا بھر میں 70 لاکھ سے زائد افراد کی جانب سے صدر ڈونلڈ ٹرمپ کے خلاف تاریخ ساز مظاہرے کیے گئے

پاکستان نیوز پوائنٹ
امریکا بھر میں 70 لاکھ سے زائد افراد کی جانب سے صدر ڈونلڈ ٹرمپ کے خلاف تاریخ ساز مظاہرے کیے گئے۔غیر ملکی میڈیا کے مطابق نو کنگ کے عنوان سے امریکا کے 2700 شہروں میں احتجاج کیے گئے، صرف شکاگو میں ڈھائی لاکھ افراد نے احتجاجی مظاہرے میں شرکت کی۔مظاہرین نے تارکین وطن کی بے دخلی کے لیے چھاپوں اور ریاستوں میں فوج کی تعیناتی کے خلاف غم و غصے کااظہار کیا۔مظاہرین نے صدر ٹرمپ کی پالیسیوں کو آمرانہ قرار دیا اور ٹرمپ انتطامیہ مزید برداشت نہیں کے فلگ شگاف نعرے لگائے گئے۔امریکی میڈیا کے مطابق چھاپوں اور ڈیموکریٹ ریاستوں میں فوجی تعیناتی پر شدید ردعمل سامنے آ رہا ہے، مظاہرین کا الزام ہے کہ ٹرمپ آمریت اور فوجی جبر کی طرف بڑھ رہے ہیں، ملک بھر میں مظاہروں میں تیزی، احتجاج کا دائرہ مزید وسیع ہونے کا امکان ہے۔صدر ڈونلڈ ٹرمپ کا کہنا ہے کہ وہ خود کو بادشاہ تصور نہیں کرتے جبکہ ری پبلکن رہنماؤں نے مظاہروں کو “امریکا مخالف” قرار دیتے ہوئے مسترد کر دیا۔