ایران نے چینی جدید ریڈار وائی ایل سی ایٹ بی حاصل کر کے فضائی دفاع مضبوط بنا لیا

پاکستان نیوز پوائنٹ
گزشتہ برس جنگ کے دوران اسرائیل اور امریکا کے جنگی طیارے ایران کی فضائی حدود میں کارروائیاں کرتے رہے، تاہم اب ایران نے چین سے جدید اور طویل فاصلے تک نگرانی کرنے والا ریڈار سسٹم ’’وائی ایل سی ایٹ بی‘‘ حاصل کر کے اپنے فضائی دفاع کو نمایاں طور پر مضبوط بنا لیا ہے۔یہ جدید ریڈار 500 کلومیٹر دور اڑنے والے جنگی طیارے کو شناخت کرنے کی صلاحیت رکھتا ہے جبکہ 700 کلومیٹر فاصلے پر موجود میزائل کو بھی پکڑ سکتا ہے۔ بتایا جاتا ہے کہ یہ اسٹیلتھ طیاروں کی نشاندہی کرنے کی بھی اہلیت رکھتا ہے۔یہ ریڈار چین کے سرکاری ادارے نانجنگ ریسرچ انسٹیٹیوٹ آف الیکٹرونکس ٹیکنالوجی نے تیار کیا ہے، جو جے ایف-17 میں نصب ہونے والا کے ایل جے سیون ریڈار بھی بنا چکا ہے۔ جدید نظام کی شمولیت سے ایران کے دفاعی نظام میں نمایاں بہتری متوقع ہے۔