بلوچستان میں سیکیورٹی فورسز کے دو انٹیلی جنس بیسڈ آپریشنز 17 بھارتی اسپانسرڈ دہشت گرد ہلاک

پاکستان نیوز پوائنٹ
بلوچستان کے اضلاع کچھی اور خاران میں سیکیورٹی فورسز کے دو انٹیلی جنس بیسڈ آپریشنز ہوئے ۔ آپریشنز کے دوران بھارتی پراکسی فتنۃ الہندوستان اور فتنۃ الخوارج سے تعلق رکھنے والے 17 بھارتی اسپانسرڈ دہشت گرد ہلاک ہوگئے ۔ ضلع خاران میں شدید فائرنگ کے تبادلے کے دوران سپاہی حکمت اللہ نے بہادری سے لڑتے ہوئے جام شہادت نوش کیاآئی ایس پی آر کے مطابق یکم نومبر کو کچھی اور خاران میں دہشت گردوں کی موجودگی کی اطلاع پر سیکیورٹی فورسز نے دو انٹیلی جنس بیسڈ آپریشنز کیے، ضلع کچھی کے علاقے سنی میں آپریشن کے دوران دہشت گردوں کی جانب سے شہر میں ناکہ بندی کی کوشش ناکام بنا دی گئی، سیکیورٹی فورسز کی بروقت کارروائی میں کچھی کے علاقے سنی میں 10 دہشت گرد ہلاک ہوئے ۔آپریشن کے دوران اسلحہ اور گولہ بارود بھی برآمد کیا گیا۔ضلع خاران میں ایک اور انٹیلی جنس بیسڈ آپریشن کے دوران دہشت گردوں کے ٹھکانے کا خاتمہ کیا گیا،شدید فائرنگ کے تبادلے کے بعد سات دہشت گرد ہلاک ہوئے ۔ شدید فائرنگ کے تبادلے کے دوران سپاہی حکمت اللہ نے بہادری سے لڑتے ہوئے جام شہادت نوش کیا۔شہید سپاہی حکمت اللہ کی عمر 25 سال اور تعلق ضلع کرک سے تھا،خاران میں آپریشن کے دوران اسلحہ اور گولہ بارود بھی برآمد کیا گیا،علاقے میں سینیٹائزیشن آپریشنز جاری ہے ۔ وفاقی ایپکس کمیٹی کی منظور شدہ قومی ایکشن پلان کے تحت عزمِ استحکام کے وژن کے مطابق انسداد دہشت گردی مہم پوری رفتار سے جاری رہے گی ۔پاکستان سے بیرونی سرپرستی اور حمایت یافتہ دہشت گردی کے ناسور کے مکمل خاتمے تک سیکیورٹی فورسز اور قانون نافذ کرنے والے اداروں کی کارروائیاں جاری رہیں گی۔