بینکاک دادا اور دادی کو قتل کرنے کے بعد ملزم کی اسکول میں فائرنگ 8 افراد ہلاک 14 زخمی

پاکستان نیوز پوائنٹ
تھائی لینڈ کے دارالحکومت بینکاک کے ایک اسکول میں فائرنگ کے نتیجے میں 8 افراد ہلاک جبکہ 14 زخمی ہو گئے۔غیر ملکی میڈیا کے مطابق ہلاک ہونے والوں میں 5 اساتذہ اور 2 طلبہ شامل ہیں، فائرنگ کے بعد ملزم نے اپنی جان لے لی۔پولیس کے مطابق فائرنگ مبینہ طور پر اسی اسکول کے نویں جماعت کے 14 سالہ طالب علم نے کی۔ ڈبسرین نانتھا بوری اسکول واقعے سے قبل حملہ آور نے اپنے دادا اور دادی کو بھی قتل کیا۔حکام کے مطابق اطلاع ملتے ہی پولیس، طبی عملہ اور دیگر قانون نافذ کرنے والے اداروں کی ٹیمیں موقع پر پہنچ گئیں، واقعے کی تحقیقات شروع کر دی گئی ہیں۔ حملہ آور طالب علم کے محرکات کے بارے میں تاحال کوئی باضابطہ بیان جاری نہیں کیا گیا۔ایک 18 سالہ ایک طالب علم نے رائٹرز کو بتایا کہ ابتدا میں اسے لگا جیسے آتش بازی ہو رہی ہو یا کوئی شخص کسی چیز پر زور زور سے ضربیں لگا رہا ہو۔طالب علم نے کہا کہ پہلے مجھے نہیں لگا کہ یہ گولیوں کی آواز ہے۔ مسلسل فائرنگ ہو رہی تھی، اچانک خاموشی چھا گئی لیکن کچھ دیر بعد دوبارہ فائرنگ شروع ہو گئی۔خبر ایجنسی کے مطابق تھائی لینڈ کے وزیراعظم نے ہلاکتوں پر افسوس کا اظہار کرتے ہوئے واقعے کی مذمت کی ہےواضح رہے رواں سال فروری میں بھی جنوبی تھائی لینڈ کے ہاٹ یائی ضلع میں اسکول پر فائرنگ کے نتیجے میں ایک ٹیچر ہلاک اور ایک طالب علم زخمی ہوا تھا۔