تین روزہ گراوٹ کے بعد سونا مزید مہنگا

پاکستان نیوز پوائنٹ
پاکستان کی مقامی صرافہ مارکیٹس میں منگل 3 فروری 2026 کو سونے اور چاندی کی کی قیمتوں میں بہت بڑا اضافہ ریکارڈ کیا گیا۔ صرافہ ایسوسی ایشن کے مطابق 24 قیراط کا فی تولہ سونا 24 ہزار روپے مہنگا ہوگیا ہے ۔آل پاکستان صرافہ جیمز اینڈ جیولرز ایسوسی ایشن کی جانب سے جاری کردہ انٹربینک ایکسچینج ریٹس کے مطابق 24 قیراط کا حامل فی تولہ سونا 24 ہزار روپے اضافے سے 5 لاکھ 14 ہزار 362 روپے جبکہ 10 گرام سونا 20 ہزار 576 روپے اضافے سے 4 لاکھ 40 ہزار 982 روپے کی سطح پر آگیا ہے ۔صرافہ جیمز اینڈ جیولرز ایسوسی ایشن کے مطابق 22 قیراط کا حامل فی 10 گرام سونا 18 ہزار 862 روپے اضافے سے 4 لاکھ 42 ہزار 48 روپے ہو ہوگیا ہے ۔مقامی مارکیٹس میں چاندی کی قدر میں بھی بڑا اضافہ دیکھا جا رہا ہے. جہاں فی تولہ چاندی 741 روپے اضافے سے 9 ہزار 146 روپے جبکہ 10 گرام چاندی 636 روپے مہنگی ہونے کے بعد 7 ہزار 841 روپے کی ہوگئی ہے ۔دوسر ی جانب عالمی مارکیٹس میں فی اونس سونا 240 ڈالر اضافے سے 4 ہزار 916 ڈالر جبکہ فی اونس چاندی 7.41 ڈالر کا اضافے سے 86.71 ڈالر کی سطح پر آگئی ہے۔یہ اضافہ عالمی منڈی میں سونے اور چاندی کی قیمتوں میں تیزی کی وجہ سے ہوا ہے .جہاں سرمایہ کاروں کی طرف سے سیف ہیون اثاثے کے طور پر سونے کی طلب بڑھ رہی ہے۔