پاکستان نیوز پوائنٹ
حکومت نے یوٹیلٹی سٹورز کارپوریشن ( یو ایس سی) کے تمام آپریشنز رواں ماہ 31 جولائی تک بند کرنے کا فیصلہ کرلیا، وزیراعظم کی ہدایت پر وزیر خزانہ کی زیر صدارت اجلاس میں تفصیلات پیش کردی گئیں وزیر خزانہ محمد اورنگزیب کی زیر صدارت یوٹیلیٹی اسٹورز کارپوریشن کی بندش اور وی ایس ایس پلان کے حوالے سے اجلاس منعقد کیا گیا، جس کے دوران کمیٹی نے دیے گئے اہداف کی روشنی میں اب تک کی پیش رفت کا جائزہ لیا اور آئندہ کے لائحہ عمل پر تفصیلی مشاورت کی۔ اجلاس میں اس بات کا اعادہ کیا گیا کہ حکومت کی ہدایات کے مطابق یو ایس سی کی تمام سرگرمیاں 31 جولائی 2025 تک بند کر دی جائیں گی، اجلاس میں یو ایس سی ملازمین کے لیے ایک منصفانہ اور مالی طور پر قابلِ عمل رضاکارانہ علیحدگی اسکیم (وی ایس ایس) کی تشکیل پر تفصیلی گفتگو کی گئی۔ اجلاس میں مجوزہ اسکیم کے مختلف پہلوؤں جیسے اندازاً حجم، مالی اثرات، قانونی اور انتظامی نکات کا بھی جائزہ لیا گیا،کمیٹی نے تجویز دی کہ یو ایس سی کے آپریشنز سے متعلق نجکاری یا اثاثہ جات کی فروخت کے امکانات اور ساخت کا جائزہ لینے کے لیے نجکاری کمیشن سے مشاورت کی جائے۔ اجلاس کے دوران چیئرمین نے اسٹیبلشمنٹ ڈویژن کے سیکریٹری کی سربراہی میں ایک ذیلی کمیٹی تشکیل دی۔ اس کمیٹی میں وزارتِ خزانہ اور وزارتِ صنعت و پیداوار کے نمائندگان شامل ہوں گے۔ یہ ذیلی کمیٹی مجوزہ وی ایس ایس کی قانونی، عملی، مالیاتی ساخت اور حجم کا جائزہ لے کر رواں ہفتے کے آخر تک رپورٹ پیش کرے گی، یہ رپورٹ مرکزی کمیٹی کو حتمی سفارشات مرتب کرنے میں معاونت دے گی، جو مقررہ اہداف کے مطابق وزیرِ اعظم کو پیش کی جائیں گی۔
پاکستان نیوز پوائنٹ امریکی صدر ڈونلڈ ٹرمپ کی جانب سے پاکستان، وزیراعظم اور فیلڈ مارشل…
پاکستان نیوز پوائنٹ پاک فوج کے سربراہ فیلڈ مارشل عاصم منیر نے ایران کا اپنا…
پاکستان نیوز پوائنٹ سعودی عرب کے وزیر خارجہ شہزادہ فیصل بن فرحان نے گذشتہ روز…
پاکستان نیوز پوائنٹ پاکستان ملٹری اکیڈمی کاکول میں پی ایم اے لانگ کورس اور ٹیکنیکل…
پاکستان نیوز پوائنٹ ملک میں سونے کے نرخ ایک بار پھر بڑھ گئے ہیں۔ فی…
پاکستان نیوز پوائنٹ عالمی مارکیٹ میں پٹرولیم مصنوعات کی قیمتوں میں کمی کے اثرات سامنے…