دشمن شکست کھا چکا اسرائیل سے متعلق موقف میں کوئی تبدیلی نہیں آئے گی ایرانی سپریم لیڈر

پاکستان نیوز پوائنٹ
ایرانی سپریم لیڈر مجتبیٰ خامنہ نے کہا ہے کہ دشمن میدانِ جنگ میں ایران سے شکست کھا چکا ہے، دشمن اب عوام کو نقصان پہنچانے اور اندرونی تقسیم پیدا کرنے کی کوشش کر رہا ہے،اسرائیل سے متعلق موقف میں کوئی تبدیلی نہیں آئے گی.مجتبیٰ خامنہ کا کہنا تھا کہ عوام میں مایوسی اور ناامیدی پیدا کرنے والا ہر عمل دشمن کی مدد کے مترادف ہے، طاقتور ممالک ایران کو آگے بڑھنے سے نہیں روک سکتے۔ اپنے ایک بیان میں انہوں نے کہا کہ ایران کے دشمن کو میدان جنگ میں ناکامی کے بعد اپنے مقاصد حاصل کرنے میں شدید مشکلات کا سامنا ہے، مخالف قوتیں ایرانی عوام کے حوصلے کو کمزور کرنے کی کوشش کر رہے ہیں، تاہم قوم کو ہوشیار رہنا ہوگا۔ انہوں نے کہا کہ ہم سی آئی اے کی سازشوں کو ناکام بنانے میں کامیاب رہے ہیں، دشمن ناکامی کے بعد ہائبرڈ جنگ پر توجہ دے رہا ہے۔ تحریری پیغام میں ایرانی سپریم لیڈر کا کہنا تھا کہ اسرائیل کے حوالے سے ایران کے موقف میں کوئی تبدیلی نہیں آئے گی، امریکا نے ایک فوجی اڈہ بنایا ہے جس کا نام اسرائیل ہے۔