اردو نیوز اپڈیٹس

روس کی پاکستان اور افغانستان کے درمیان مذاکرات میں ثالثی کی پیشکش

پاکستان نیوز پوائنٹ
روس نے پاکستان کے ساتھ دہشت گردی کے خلاف تعاون جاری رکھنے کے عزم کا اعادہ کرتے ہوئے پاکستان اور افغانستان کے درمیان مذاکرات کی بحالی کے لیے ثالثی کی پیشکش کردیروسی وزارت خارجہ کی ترجمان ماریہ زخارووا نے پاکستان کو جنوبی ایشیا میں دہشت گردی کے خلاف جنگ میں روس کا اہم شراکت دار قرار دیتے ہوئے کہا ہے کہ افغان سرزمین پر دہشت گرد تنظیموں کی سرگرمیاں علاقائی سلامتی کے لیے خطرہ ہیں۔اگر اسلام آباد اور کابل دونوں درخواست کریں تو ماسکو مذاکرات کے انعقاد میں مدد فراہم کرنے کے لیے تیار ہے۔ روس پاکستان اور افغانستان کو دوست ممالک سمجھتا ہے اور دونوں کے درمیان بات چیت کو علاقائی امن و سلامتی کے لیے ضروری قرار دیتا ہے۔ماریہ زخارووا نے افغانستان میں داعش خراسان سمیت بین الاقوامی دہشت گرد تنظیموں کی سرگرمیوں پر تشویش کا اظہار کرتے ہوئے کہا کہ افغان سرزمین سے دہشت گردی کا خاتمہ مشترکہ مقصد ہونا چاہیے۔ دہشت گردی کے خلاف جنگ میں دوہرے معیار یا پوشیدہ ایجنڈے کی کوئی گنجائش نہیں۔روسی ترجمان نے کہا کہ پاکستان جنوبی ایشیا میں دہشت گردی کے خلاف جنگ میں روس کا اہم شراکت دار ہے۔ دونوں ممالک دوطرفہ اور کثیرالجہتی پلیٹ فارمز پر اس حوالے سے قریبی تعاون اور مشاورت جاری رکھے ہوئے ہیں۔ ماسکو فارمیٹ، روس، چین، ایران اور پاکستان کے چار ملکی مشاورتی نظام، افغانستان کے ہمسایہ ممالک کے رابطہ نظام اور شنگھائی تعاون تنظیم کو علاقائی تعاون کے اہم پلیٹ فارمز قرار دیا۔ماریہ زخارووا نے کہا کہ روس علاقائی مسائل کے حل کے لیے علاقائی ممالک کی کوششوں کی حمایت کرتا ہے اور دہشت گردی کے خلاف ٹھوس اقدامات میں تعاون کے لیے تیار ہے۔ افغانستان میں استحکام کے لیے سماجی و اقتصادی ترقی اور ریاستی اداروں کی سکیورٹی صلاحیتوں کو مضبوط بنانا بھی ضروری ہے۔ متعدد پاکستانی اسکالرشپ طلبہ ویزا دعوت ناموں کے منتظر ہیں، جبکہ ماسکو کی بعض یونیورسٹیوں کے مطابق روسی مائیگریشن حکام یونیورسٹی کنٹریکٹس کے تحت داخلہ لینے والے پاکستانی طلبہ کی درخواستیں قبول نہیں کررہے۔ ماریہ زخارووا نے ایک مرتبہ پھر واضح کیا کہ روس میں پاکستانی شہریوں کو اسٹوڈنٹ ویزے جاری کرنے پر کوئی پابندی نہیں ہے۔انہوں نے کہا کہ متاثرہ طلبہ کے مخصوص کیسز کی تفصیلات فراہم کی جائیں تاکہ متعلقہ سرکاری اداروں کے ساتھ مل کر ان کا جائزہ لیا جاسکے۔روسی وزارت خارجہ کی ترجمان نے یقین دہانی کرائی کہ فراہم کردہ معلومات اپنے متعلقہ ساتھیوں تک پہنچائیں گی اور ہر کیس کا روسی قوانین کے دائرے میں رہتے ہوئے انفرادی طور پر جائزہ لیا جائے گا۔
ماریہ زخارووا نے متاثرہ پاکستانی طلبہ کے کوائف اور متعلقہ دستاویزات فراہم کرنے کی درخواست بھی کی تاکہ ویزا دعوت ناموں کے حصول میں درپیش مسائل کے حل کے لیے ضروری اقدامات کیے جاسکیں۔

Faisal Bukhari

Recent Posts

صدر مملکت اور وزیراعظم کی ملاقات تمام معاملات مشاورت سے حل کرنے پر اتفاق

پاکستان نیوز پوائنٹ صدر مملکت آصف علی زرداری اور وزیراعظم شہباز شریف کے درمیان ملاقات…

41 minutes ago

خیبر پختونخوا میں امن و استحکام برقرار رکھنے کے لیے پُرعزم ہیں فیلڈ مارشل

پاکستان نیوز پوائنٹ چیف آف ڈیفنس فورسز فیلڈ مارشل عاصم منیر نے کہا ہے کہ…

44 minutes ago

سعودی عوام کی سلامتی اور فلاح و بہبود کے لیے پاکستان کا عزم غیر متزلزل ہےترجمان دفتر خارجہ

پاکستان نیوز پوائنٹ پاکستان نے سعودی عرب میں سعودی آرامکو کی انتظامی عمارت اور ریاض…

46 minutes ago

وفاقی اداروں میں بدعنوانی کے امکانات کی جائزہ رپورٹ تیار کرلی اعظم تارڑ

پاکستان نیوز پوائنٹ وفاقی وزیر قانون اعظم نذیر تارڑ نے کہا ہے کہ وفاقی اداروں…

48 minutes ago

یوٹن کا اعلان کریمیا پل پر حملہ یوکرین کے لیے جنگ بندی کے دروازے بند

پاکستان نیوز پوائنٹ صدر پیوٹن کا کہنا ہے کہ یوکرین کی جانب سے کریمیا پل…

55 minutes ago

ایران کا بڑا انتباہ ہمارے خلاف استعمال ہونے والی کسی بھی سرزمین کو نشانہ بنایا جائے گا

پاکستان نیوز پوائنٹ ایران کی پاسداران انقلاب نے خبردار کیا ہے کہ ایران کے خلاف…

1 hour ago