اردو نیوز اپڈیٹس

ایران کا بڑا انتباہ ہمارے خلاف استعمال ہونے والی کسی بھی سرزمین کو نشانہ بنایا جائے گا

پاکستان نیوز پوائنٹ
ایران کی پاسداران انقلاب نے خبردار کیا ہے کہ ایران کے خلاف کسی بھی کارروائی کے لیے استعمال ہونے والی سرزمین کو ہدف بنایا جائے گا، جبکہ ایرانی وزارتِ خارجہ نے خطے کے ممالک سے مطالبہ کیا ہے کہ وہ اپنی سرزمین امریکا سمیت کسی بھی جارح قوت کو ایران کے خلاف استعمال نہ کرنے دیں۔ایرانی سرکاری میڈیا کے مطابق پاسداران انقلاب کے ترجمان حسین محبی نے کہا ہے کہ امریکا کی جانب سے ایران کے ڈیموں کو نشانہ بنانے کی کسی بھی کوشش کا بھرپور جواب دیا جائے گا۔ ان کا کہنا تھا کہ ایران کے خلاف استعمال ہونے والی ہر سرزمین کو ہدف سمجھا جائے گا۔دوسری جانب ایرانی وزارت خارجہ نے جنوبی علاقوں میں امریکی کارروائیوں کی مذمت کرتے ہوئے کہا ہے کہ خطے کے ممالک جارح قوتوں کو اپنی سرزمین ایران کے خلاف استعمال کرنے سے روکیں۔ وزارت خارجہ کے بیان میں کہا گیا ہے کہ علاقائی ممالک کو اس بات کو یقینی بنانا چاہیے کہ ان کی سرزمین ایران کے خلاف فوجی کارروائیوں کے لیے استعمال نہ ہو۔ایرانی وزارت خارجہ کے مطابق جنوبی علاقوں میں امریکی کارروائیوں کے جواب میں خطے میں موجود 2 امریکی فوجی اڈوں پر پیٹریاٹ فضائی دفاعی نظام، ڈرون اور میزائل داغنے کے پلیٹ فارمز کو نشانہ بنایا گیا۔ تاہم بیان میں ان حملوں سے ہونے والے نقصانات یا ان کی مزید تفصیلات فراہم نہیں کی گئیں۔بیان میں امریکا پر بین الاقوامی قانون کی خلاف ورزی اور طاقت کے غیر قانونی استعمال کا الزام عائد کرتے ہوئے کہا گیا کہ امریکی اقدامات نے خطے کے امن و سلامتی کو خطرے سے دوچار کر دیا ہے۔ایران کی جانب سے یہ بیانات ایسے وقت سامنے آئے ہیں جب امریکی کارروائیوں اور ان کے جواب میں ایرانی ردعمل کے تناظر میں خطے میں کشیدگی برقرار ہے۔ تہران نے واضح کیا ہے کہ وہ اپنے خلاف فوجی کارروائیوں کے لیے کسی بھی ملک کی سرزمین استعمال ہونے کو قبول نہیں کرے گا۔

Faisal Bukhari

Recent Posts

صدر مملکت اور وزیراعظم کی ملاقات تمام معاملات مشاورت سے حل کرنے پر اتفاق

پاکستان نیوز پوائنٹ صدر مملکت آصف علی زرداری اور وزیراعظم شہباز شریف کے درمیان ملاقات…

53 minutes ago

خیبر پختونخوا میں امن و استحکام برقرار رکھنے کے لیے پُرعزم ہیں فیلڈ مارشل

پاکستان نیوز پوائنٹ چیف آف ڈیفنس فورسز فیلڈ مارشل عاصم منیر نے کہا ہے کہ…

56 minutes ago

سعودی عوام کی سلامتی اور فلاح و بہبود کے لیے پاکستان کا عزم غیر متزلزل ہےترجمان دفتر خارجہ

پاکستان نیوز پوائنٹ پاکستان نے سعودی عرب میں سعودی آرامکو کی انتظامی عمارت اور ریاض…

58 minutes ago

وفاقی اداروں میں بدعنوانی کے امکانات کی جائزہ رپورٹ تیار کرلی اعظم تارڑ

پاکستان نیوز پوائنٹ وفاقی وزیر قانون اعظم نذیر تارڑ نے کہا ہے کہ وفاقی اداروں…

1 hour ago

روس کی پاکستان اور افغانستان کے درمیان مذاکرات میں ثالثی کی پیشکش

پاکستان نیوز پوائنٹ روس نے پاکستان کے ساتھ دہشت گردی کے خلاف تعاون جاری رکھنے…

1 hour ago

یوٹن کا اعلان کریمیا پل پر حملہ یوکرین کے لیے جنگ بندی کے دروازے بند

پاکستان نیوز پوائنٹ صدر پیوٹن کا کہنا ہے کہ یوکرین کی جانب سے کریمیا پل…

1 hour ago