پاکستان نیوز پوائنٹ
صوبائی دارالحکومت لاہور میں سرکاری نرخ نامہ کو نظر انداز کرتے ہوئے سبزیوں کی مہنگے داموں فروخت جاری ہے، جبکہ برائلر گوشت کی قیمت میں 7 روپے فی کلو کمی واقع ہوئی ہے۔مارکیٹ ذرائع کے مطابق ٹماٹر کے سرکاری نرخ میں 10 روپے کمی کر دی گئی، ٹماٹر کا سرکاری نرخ 125 روپے کلو مقرر کیا گیا ہے جبکہ مارکیٹ میں درجہ اول ٹماٹر 150 روپے کلو تک فروخت ہو رہا ہےآلو کا سرکاری نرخ 80 روپے کلو مقرر ہے، جبکہ مارکیٹ میں آلو 100 روپے کلو فروخت ہو رہا ہے۔سرکاری نرخ نامے میں پیاز کا سرکاری نرخ 80 روپے کلو مقرر ہے لیکن مارکیٹ میں پیاز کی 90 روپے کلو تک فروخت جاری ہے، لہسن ہرنائی کا سرکاری نرخ 290 روپے کلو مقرر ہے جبکہ مارکیٹ میں لہسن 350 روپے کلو تک ہے۔ادرک چائنہ کا نرخ 10 روپے اضافے سے 430 روپے کلو مقرر کیا گیا مگر مارکیٹ میں ادرک 500 روپے کلو تک بیچا جا رہا ہے، سبز مرچ 200، پالک 70، اروی 120، پھول گوبھی 200 روپے کلو میں فروخت ہو رہی ہے، بھنڈی اور کدو 220 اور شملہ مرچ 200 روپے کلو بیچی جا رہی ہے۔دوسری جانب برائلر گوشت کے نرخ میں 7 روپے کلو کمی کر دی گئی ہے، مارکیٹ میں برائلر گوشت کا نرخ 562 روپے کلو ہے، جبکہ فارمی انڈے 305 روپے فی درجن ہیں۔
پاکستان نیوز پوائنٹ ایران امریکا جنگ بندی ختم ہونے میں صرف تین دن باقی رہ…
پاکستان نیوز پوائنٹ نائب وزیراعظم و وزیر خارجہ اسحاق ڈار کا ایرانی وزیر خارجہ عباس…
پاکستان نیوز پوائنٹ : گورنر سٹیٹ بینک آف پاکستان جمیل احمد نے کہا ہے کہ…
پاکستان نیوز پوائنٹ امریکی نائب صدر جے ڈی وینس آئندہ مرحلے کے اہم ایران مذاکرات…
پاکستان نیوز پوائنٹ امریکی صدر ڈونلڈ ٹرمپ نے اعلان کیا ہے کہ ان کے نمائندے…
پاکستان نیوز پوائنٹ امریکا اور ایران کے درمیان امن مذاکرات کے دوسرے دور کیلئے غیر…