سونا 4 لاکھ 31 ہزار سے بھی اوپر چاندی کی قیمت بھی آسمان پر

پاکستان نیوز پوائنٹ
پاکستان کی مقامی صرافہ مارکیٹس میں سونے اور چاندی کی قیمتوں میں بڑا اضافہ ریکاڑد کیا گیا ہے. جہاں ایک تولہ سونا 4 ہزار روپے جبکہ فی تولہ چاندی 100 روپے مہنگی ہوگئی۔آل پاکستان صرافہ جیمز اینڈ جیولرز ایسوسی ایشن کے جاری کردہ نرخ کے مطابق 24 قیراط کا حامل ایک تولہ سونا 4 ہزار روپے اضافے سے 4 لاکھ 31 ہزار 736 روپے جبکہ فی 10 گرام سونا 3 ہزار 430 روپے اضافے سے 3 لاکھ 70 ہزار 144 روپے کی سطح پر آگئی ہے۔صرافہ ایسوسی ایشن کے مطابق 22 قیراط سونے کی فی 10 گرام قیمت 3 ہزار 145 روپے اضافے سے 3 لاکھ 39 ہزار 311 روپے تک پہنچ گئی۔مقامی مارکیٹ میں چاندی کی قیمتوں میں بھی اضافہ ہوا جہاں چاندی کی فی تولہ قیمت 100 روپے اضافے سے 6 ہزار 397 روپے جبکہ 10 گرام چاندی کی قیمت 86 روپے اضافے سے 5 ہزار 484 روپے ریکارڈ کی گئی۔دوسری جانب بین الاقوامی مارکیٹ میں بھی سونے کی قیمت میں اضافہ دیکھا گیا جہاں فی اونس سونا 40 ڈالر اضافے سے 4 ہزار 93 ڈالر ہوگئی ہے جبکہ چاندی کی قیمت 59.18 ڈالر فی اونس رہی جس میں ایک ڈالر کا اضافہ ریکارڈ کیا گیا۔