سونے اور چاندی کی قیمتیں پھر آسمان پر پہنچ گئیں

پاکستان نیوز پوائنٹ
آل پاکستان صرافہ جیمز اینڈ جیولرز ایسوسی ایشن کے مطابق مقامی صرافہ مارکیٹس میں سونے اور چاندی کی قیمتوں میں اضافہ ریکارڈ کیا گیا ہے۔آج سونے کی قیمتوں میں اضافہ ہوا ہے۔ 24 قیراط فی تولہ سونا 2,300 روپے مہنگا ہو کر 5,28,562 روپے ہو گیا۔ 24 قیراط 10 گرام سونا 4,53,156 روپے اور 22 قیراط 10 گرام سونا 4,15,408 روپے پر پہنچ گیا۔چاندی کی قیمتوں میں بھی اضافہ دیکھا گیا ہے۔ ایک تولہ چاندی 120 روپے بڑھ کر 8,735 روپے ہو گئی جبکہ 10 گرام چاندی 7,488 روپے پر فروخت ہو رہی ہے۔عالمی بازار میں بھی سونے کی قیمت 23 ڈالر بڑھ کر 5,058 امریکی ڈالر فی اونس اور چاندی 1.20 ڈالر بڑھ کر 82.60 امریکی ڈالر فی اونس ہو گئی۔