صوبوں سے متعلق کسی ترمیم کی باتیں بے بنیاد ہیں پیپلز پارٹی کی رضامندی کے بغیر اسمبلی سے کوئی ترمیم منظور نہیں ہو سکتی،مراد علی شاہ

پاکستان نیوز پوائنٹ
وزیراعلیٰ سندھ سید مراد علی شاہ نے کہا ہے کہ سندھ کا آئندہ بجٹ عوام دوست ہوگا اور حکومت کی کوشش ہے کہ غریب عوام پر کم سے کم بوجھ ڈالا جائےسیہون میں اپنی رہائش گاہ پر وزیراعلیٰ سندھ مراد علی شاہ نے میڈیا سے گفتگو کرتے ہوئے کہا کہ مہنگائی میں اضافہ ہوا ہے، آئندہ بجٹ میں تنخواہوں میں اضافے سے متعلق فیصلہ وفاق سے مشاورت کے بعد کیا جائے گا۔صوبوں سے متعلق کسی ترمیم کی باتیں بے بنیاد ہیں، پیپلز پارٹی کی رضامندی کے بغیر اسمبلی سے کوئی ترمیم منظور نہیں ہو سکتی۔محکمہ آبپاشی منچھر جھیل کی بحالی کے لیے کام کر رہا ہے تاکہ جھیل کو مکمل طور پر بحال کیا جا سکے۔28 ویں ترمیم کی باتیں صرف میڈیا پر چل رہی ہیں، پیپلزپارٹی سے اس بارے میں کسی نے بات نہیں کی، ہماری جماعت کے ساتھ اس سلسلے میں کوئی نیا مسودہ یا ڈرافٹ شیئر نہیں کیا گیا۔