عالمی اور مقامی گولڈ مارکیٹس میں دوسرے روز سونے کی قیمت میں بڑی کمی ریکارڈ کی گئی

پاکستان نیوز پوائنٹ
عالمی اور مقامی گولڈ مارکیٹس میں دوسرے روز سونے کی قیمت میں بڑی کمی ریکارڈ کی گئی۔آل پاکستان صرافہ ایسوسی ایشن کےمطابق فی تولہ سونا 5500 روپےسستا ہو گیا جس کے بعد نئی قیمت 4 لاکھ ، 79 ہزار 562 روپے ہو گئی۔عالمی مارکیٹ میں کمی کے اثرات مقامی صرافہ بازاروں پر بھی نظر آئے. جہاں بدھ کے روز مسلسل دوسرے دن فی تولہ سونا 5 ہزار 500 روپے کمی کے بعد 4 لاکھ 79 ہزار 562 روپے پر آگیا، جبکہ فی دس گرام سونا 4 ہزار 715 روپے کمی کے ساتھ 4 لاکھ 11 ہزار 147 روپے پر پہنچ گیا۔اسی طرح عالمی مارکیٹ میں فی اونس چاندی کی قیمت 45 سینٹس کمی کے بعد 72 ڈالر 82 سینٹس ہوگئی، اس کے نتیجے میں مقامی سطح پر فی تولہ چاندی 55 روپے کمی کے بعد 7 ہزار 766 روپے اور فی دس گرام چاندی 38 روپے کمی کے ساتھ 6 ہزار 658 روپے کی سطح پر آگئی ہے۔