فرانسیسی صدر کی برطانیہ سے فلسطینی ریاست کو مشترکہ طور پر تسلیم کرنے کی اپیل

پاکستان نیوز پوائنٹ
فلسطینیوں پر اسرائیل کے بڑھتے ہوئے مظالم اور فلسطین پر ناحق قبضہ کے پیش نظر فرانسیسی صدر عمانویل میکروں نے فرانس اور برطانیہ کی جانب سے فلسطینی ریاست کو مشترکہ طور پر تسلیم کرنے کی اپیل کی ہے۔ انہوں نے کہا کہ یہی واحد راستہ ہے جو اسرائیل اور فلسطینیوں کے درمیان امن کے کسی افق کی طرف لے جاتا ہے۔ انہوں نے یہ بات برطانوی وزیرِاعظم کئیر سٹارمر کے ساتھ مشترکہ پریس کانفرنس کے دوران کی۔ انہوں نے کہا میں دو ریاستی حل کے مستقبل پر یقین رکھتا ہوں جو اسرائیل کو اپنے ہمسایوں کے ساتھ امن اور سلامتی سے جینے کا موقع دے گا۔ میں سمجھتا ہوں کہ ہمیں پیرس، لندن اور دنیا بھر میں اپنی آوازوں کو یکجا کرنا چاہیے تاکہ فلسطینی ریاست کو تسلیم کیا جا سکے اور اس سیاسی عمل کا آغاز ہو جو واحدامن کا راستہ ہے۔ یوکرین اور روس کی جنگ کے حوالے سے میکرون اور سٹارمر نے جمعرات کو روسی صدر ولادیمیر پوتین پر دباؤ مزید بڑھانے اور ماسکو پر نئی پابندیاں عائد کرنے کا مطالبہ کیا تاکہ یوکرین میں فائر بندی تک پہنچا جا سکے۔