فی الحال ایران کے خلاف دوبارہ جنگ کا ارادہ نہیں ٹرمپ کا مشیروں کو اہم پیغام

پاکستان نیوز پوائنٹ
امریکی میڈیا کی ایک رپورٹ میں دعویٰ کیا گیا ہے کہ امریکی صدر ڈونلڈ ٹرمپ نے اپنے قریبی مشیروں کو آگاہ کیا ہے کہ امریکا فی الحال ایران کے خلاف کسی نئی جنگ یا فوجی کارروائی کا ارادہ نہیں رکھتا اور موجودہ کشیدگی کو سفارتی ذرائع سے حل کرنے کو ترجیح دے رہا ہے۔غیر ملکی میڈیا رپورٹ کے مطابق صدر ٹرمپ نے واضح کیا ہے کہ جب تک ایران کی جانب سے امریکی فوجیوں یا امریکی مفادات کو براہِ راست نشانہ نہیں بنایا جاتا اس وقت تک ایران کے خلاف کسی نئے فوجی اقدام پر غور نہیں کیا جا رہا۔امریکی اخبار کے مطابق ٹرمپ انتظامیہ خطے میں جاری تنازعات کو مزید وسعت دینے کے بجائے سفارتی کوششوں اور مذاکرات کے ذریعے مسائل کے حل کی خواہاں ہے۔رپورٹ میں مزید کہا گیا ہے کہ واشنگٹن مشرقِ وسطیٰ میں کشیدگی میں اضافے اور جنگ کے دائرہ کار کو وسیع ہونے سے روکنا چاہتا ہے جس کے لیے مختلف سفارتی آپشنز اور رابطوں پر غور کیا جا رہا ہے۔امریکی میڈیا کے مطابق موجودہ حکمتِ عملی کا مقصد خطے میں استحکام برقرار رکھنا اور ممکنہ تصادم سے بچتے ہوئے تنازعات کا سیاسی حل تلاش کرنا ہے