مئی میں مہنگائی 23 ماہ کی بلند ترین سطح پر پہنچ گئی

پاکستان نیوز پوائنٹ
ادارہ شماریات کی ماہانہ رپورٹ کے مطابق جون2024 کے بعد گزشتہ ماہ مئی میں مہنگائی کی شرح سب سے زیادہ رہی _ اس مہینے پاکستان میں مئی میں مہنگائی 23 ماہ کی بلند ترین سطح پر پہنچ گئی ادارہ شماریات کی ماہانہ رپورٹ آج ہی سامنے آئی ہے۔ اس رپورٹ میں بتایا گیا ہے کہ جون2024 کے بعد گزشتہ ماہ مئی میں مہنگائی کی شرح سب سے زیادہ رہی اور اپریل کے مقابلے مئی میں مہنگائی کی شرح میں 0.52 فیصد کا اضافہ ہوا۔ شہریوں کے لئے یہ اطلاعات بھی روح فرسا ہیں کہ دو ماہ بعد شروع ہونے والے نئے مالی سال میں بھی مہنگائی کم نہیں ہو گی۔ جولائی سے شروع ہونے والے مالی سال میں مہنگائی کی شرح 8.6 فیصد رہنے کی پیشگوئی سامنے آئی ہے اور گورنر سٹیٹ بینک نے الگ سے بتایا ہے کہ ملک میں مہنگائی بڑھنے کی شرح 7 فیصد تک جائے گی۔ آج ریلیز ہونے والی ادارہ شماریات کی رپورٹ میں کہا گیا ہے کہ مئی2026 میں مہنگائی بڑھنے کی سالانہ شرح بڑھ کر 11.66 فیصد ہوگئی جب کہ مئی2025 میں مہنگائی بڑھنے کی سالانہ شرح 3.5فیصد تھی۔ ادارہ شماریات کے مطابق جولائی2025 تامئی2026 میں اوسط مہنگائی 6.69 فیصد رہی جب کہ اپریل2026 میں مہنگائی بڑھنےکی سالانہ شرح 10.89فیصد ریکارڈ کی گئی۔ رپورٹ میں مزید بتایا گیا ہےکہ گزشتہ ماہ دیہات میں ماہانہ بنیاد پر مہنگائی کی شرح 0.30 فیصد بڑھی، مئی2026 میں شہروں میں مہنگائی میں 0.68 فیصدکااضافہ ہوا۔ رپورٹ کے مطابق گزشتہ ماہ دیہات میں مہنگائی کی سالانہ شرح11.48 فیصد رہی اور شہروں میں یہ شرح 11.79فیصد رہی۔