ملک بھر میں سونے کی قیمت بڑھنے کے بعد پھر گھٹ گئی

پاکستان نیوز پوائنٹ
ملک بھر میں سونے کی قیمت بڑھنے کے بعد پھر گھٹ گئی، آج فی تولہ نرخ میں 900 روپے کی کمی ریکارڈ کی گئی۔آل پاکستان جیمز اینڈ جیولرز ایسوسی ایشن کے مطابق ملک میں فی تولہ سونا 900 روپے کی کمی کے بعد 4 لاکھ 54 ہزار 862 کا ہوگیا۔اسی طرح 10 گرام سونے کا بھاؤ 772 روپے کم ہو کر 3 لاکھ 89 ہزار 970 روپے ہوگیا۔ دوسری جانب بین الاقوامی مارکیٹ میں فی اونس سونے کی قیمت 9 ڈالر کم ہو کر 4325 ڈالر فی اونس ہوگئی۔اس کے علاوہ چاندی کی دس گرام قیمت بھی 44 روپے کمی سے 5871 روپے پر آگئی۔