میر رضا قتل کیس میں کور اپ ثابت ہو رہا ہے ملوث افراد بے نقاب ہونا چاہئیں خواجہ آصف

پاکستان نیوز پوائنٹ
وزیر دفاع خواجہ آصف کا کہنا ہے کہ میر رضا قتل کیس کیس پر کور اپ ثابت ہو رہا ہے، جن لوگوں نے میر رضا قتل کیس کو کور اپ کیا ہے، ان کو بے نقاب ہونا ہوگا۔وفاقی وزیرِ دفاع خواجہ آصف نے سوشل میڈیا سائٹ ‘ایکس’ (سابقہ ٹوئٹر) پر جاری بیان میں کراچی میں تاجر میر رضا کیس کے حوالے سے کئی سنگین سوالات اٹھاتے ہوئے شدید تشویش کا اظہار کیا اور کہا کیس میں واضح طور پر حقائق چھپانے کی کوشش ثابت ہو رہی ہے اور اصل حقائق سامنے آ رہے ہیں۔اس کیس پر جس طرح توجہ دی جا رہی ہے اس کے نتائج سامنے آ رہے ہیں۔
انہوں نے افسوس کا اظہار کرتے ہوئے کہا پورا سسٹم کمپرومائزڈ تھا، اس کیس پر اب بھی سخت پہرہ دینا ہوگا ورنہ جس طرح پہلے ‘مک مکا’ ہوا تھا، دوبارہ بھی ہو سکتا ہے۔جن لوگوں نے اس کیس کو کور اپ کرنے اور سچائی دبانے کی کوشش کی ہے، ان کا بھی احتساب ہونا چاہیے اور انہیں بے نقاب کیا جانا چاہیے۔خواجہ آصف نے اے آئی جی کے رویے پر شدید برہمی کا اظہار کرتے ہوئے کہا، قاتل کتنے طاقتور ہوں گے کہ ان کی جانب سے اے آئی جی مقتول کے والدین کو حکم جاری کر رہا ہے کہ بچے کے قتل کو خودکشی تصور کر لیں۔انہوں نے استفسار کیا کہ اے آئی جی کو والدین پر دباؤ ڈالنے کا یہ حکم کہاں سے آیا تھا؟ اس بات کی مکمل اور شفاف تحقیقات ہونی چاہئیں۔