وانا میں دہشت گردی کی بڑی کوشش ناکام خودکش گاڑی تباہ ایک خارجی ہلاک 5 زخمی

پاکستان نیوز پوائنٹ
وانا میں دہشتگردی کی بڑی کوشش ناکام، بارود سے بھری گاڑی تباہ، ایک خارجی ہلاک، 5 زخمی ہو گئے ۔سکیورٹی فورسز نے انٹیلیجنس پرمبنی کارروائی سے وانا اور گردونواح کی شہری آبادی کو ایک بڑی ممکنہ تباہی سے بچا لیا۔جنوبی وزیرستان لوئرکےعلاقے وانا میں بارودی مواد سے بھری گاڑی خودکش حملے سے پہلے ہی تباہ کردی۔ سکیورٹی ذرائع کے مطابق گاڑی میں موجود دھماکا خیزمواد کسی ممکنہ بڑے دہشتگرد حملے میں استعمال کیا جانا تھا، تاہم کارروائی کے دوران سکیورٹی فورسزنےانتہائی پیشہ ورانہ مہارت سے معصوم شہریوں کی جان ومال کا تحفظ یقینی بنایا۔ ذرائع کے مطابق سکیورٹی فورسز نے خودکش حملے کیلئے تیار گاڑی کی مسلسل تین دن نگرانی کی اورآبادی سے دور جانے پرہی اسے نشانہ بنایا۔کامیاب کارروائی میں بارود سے بھری گاڑی اورموٹر سائیکل تباہ ہوگئی، ایک خارجی جہنم واصل جبکہ 5 زخمی ہوگئے۔ دہشت گردی کے خلاف یہ کامیاب کارروائی اس بات کا واضح ثبوت ہے کہ سکیورٹی فورسز امن دشمن عناصر کے خلاف سیسہ پلائی دیوارہیں۔