وزیر اعظم شہباز شریف کا کہنا ہے کہ بجٹ میں براہ راست ٹیکسوں میں کمی کرنا ہوگی نجی شعبہ آگے آئے ہم سپورٹ کریں گے

پاکستان نیوز پوائنٹ
وزیر اعظم شہباز شریف کا کہنا ہے کہ بجٹ میں براہ راست ٹیکسوں میں کمی کرنا ہوگی۔ نجی شعبہ آگے آئے ہم سپورٹ کریں گے، 200 ارب روپے کی بجلی چوری کا خاتمہ ضروری ہے۔پاکستان گورننس فورم سے خطاب کرتے ہوئے وزیراعظم نے کہا کہ جون 2023 میں پاکستان دیوالیہ ہونے کے دہانے پر تھا، آج ہماری مجموعہ اقتصادی صورتحال ماضی کے مقابلے میں حوصلہ افزا ہے، پاکستان ہمہ جہت چیلنجز سے نبرد آزما ہے، آج ملک میں مہنگائی کی شرح 38 فیصد سے کم ہو کر سنگل ڈیجٹ پر ہے۔وزیر اعظم نے کہا کہ پاکستان گوررننس فورم ملک کو ترقی کی راہ پر گامزن کرنے کےلیے اہم ثابت ہوگا، اڑان پاکستان پروگرام احسن اقبال بہترین انداز میں چلا رہے ہیں، پالیسی ریٹ 22 فیصد سے کم ہو کر ساڑھے 10 فیصد پر ہے، برآمدات میں اضافے کےلیے گنجائش موجود ہے، ہماری مجموعی اقتصادی صورتحال ماضی کے مقابلے میں حوصلہ افزا ہے۔شہباز شریف نے کہا کہ سولر کے حوالے سے جائز موقف کو سنا گیا، 200 ارب روپے کی بجلی چوری کا خاتمہ ضروری ہے، بجلی کی قیمت میں 7 روپے فی یونٹ کمی کی گئی،حکومت کا کام کاروبار چلانا نہیں، اداروں کو سہولت فراہم کرنا ہے۔وزیراعظم نے مزید کہا کہ ہمارے آئی ٹی سیکٹر میں بے پناہ صلاحیت ہے۔