پاکستان نیوز پوائنٹ
وفاقی وزیر خزانہ سینیٹر محمد اورنگزیب سے گورنر پنجاب سردار سلیم حیدر خان کی ملاقات ، ملاقات میں اقتصادی ترقی، چیلنجز اور ترقی کے مواقع سمیت باہمی دلچسپی کے امور پر تبادلہ خیال کیا گیا ۔ گورنر پنجاب نے کہا کہ پاکستانی معیشت نے گزشتہ سال درپیش شدید چیلنجز کے باوجود نمایاں بہتری حاصل کی۔ گورنر پنجاب سردار سلیم حیدر خان نے وزیر خزانہ اور ان کی ٹیم کی معاشی استحکام کے لیے کی جانے والی کاوشوں کو سراہتے ہوئے کہا کہ پاکستانی معیشت نے گزشتہ سال درپیش شدید چیلنجز کے باوجود نمایاں بہتری حاصل کی۔وزیر خزانہ نے بھی اس پیش رفت میں سیاسی قیادت، خصوصاً وزیر اعظم شہباز شریف کے وژن اور رہنمائی کے کردار کو اجاگر کیا، جن کی حکمت عملی نے معیشت کو مستحکم اور پائیدار ترقی کی راہ پر گامزن کیا۔وزیر خزانہ نے صدر مملکت آصف علی زرداری کی معاشی امور، وفاقی معاملات اور قومی اقتصادی چیلنجز سے نمٹنے میں دی گئی حمایت پر ان کا شکریہ ادا کیا۔ سینیٹر محمد اورنگزیب نے گورنر پنجاب کی کاروباری برادری اور مقامی چیمبرز کے ساتھ فعال روابط کو بھی سراہا اور کہا کہ ملک کی معیشت کے فروغ کے لیے ایک مضبوط بنیاد رکھ دی گئی ہے، جس میں نجی شعبہ، بالخصوص کاروباری برادری، کلیدی کردار ادا کرے گی تاکہ طویل المدتی اور مستحکم اقتصادی ترقی کو یقینی بنایا جا سکے۔زراعت میں بے پناہ امکانات موجود ہیں اور اس کی مکمل صلاحیت کو بروئے کار لانے کے لیے اس شعبے کو اولین ترجیح دی جانی چاہیے۔
پاکستان نیوز پوائنٹ وزیراعظم شہباز شریف نے لائیو اسٹاک کے شعبے کو کارپوریٹ خطوط پر…
پاکستان نیوز پوائنٹ وزیردفاع خواجہ آصف نے کہا ہے کہ اس وقت یمن میں لڑائی…
پاکستان نیوز پوائنٹ پاکستان، ترکیہ اور سعودی عرب نے مکہ دفاعی اتحاد کو عملی شکل…
پاکستان نیوز پوائنٹ اقوام متحدہ کے سیکرٹری جنرل انتونیو گوتریس اسلام آباد پہنچ گئے۔اقوام متحدہ…
پاکستان نیوز پوائنٹ یمن میں حوثی باغیوں اور سعودی حمایت یافتہ حکومتی فورسز کے درمیان…
پاکستان نیوز پوائنٹ امریکی صدرڈونلڈٹرمپ نے کہاہے کہ ایران سے براہِ راست مذاکرات کیلئے تیار…