ٹرمپ کے جنگ بندی سے متعلق بیان کی کوئی حقیقت نہیں ایرانی وزارتِ خارجہ

پاکستان نیوز پوائنٹ
ایران نے امریکی صدر ڈونلڈ ٹرمپ کے جنگ بندی سے متعلق بیان کی تردید کردی۔غیر ملکی میڈیا رپورٹس کے مطابق ایرانی وزارتِ خارجہ نے بیان جاری کرتے ہوئے کہا ہے کہ سپریم لیڈر مجتبیٰ خامنہ ای مکمل صحت مند اور خیریت سے ہیں، جنگی حالات کی وجہ سے مجتبیٰ خامنہ ای عوام کے سامنے نہیں آرہے۔ایرانی وزارتِ خارجہ کا کہنا تھا کہ دنیا میں اب کوئی بھی امریکی سفارت کاری پر بھروسہ نہیں کر سکتا، امریکا مذاکرات کو اپنے مطالبات مسلط کرنے کیلئے استعمال کرتا ہے۔اُنہوں نے کہا کہ امریکا سفارت کاری کو بھی طاقت کے استعمال کی راہ ہموار کیلئے استعمال کرتا ہے، جنگ کو امریکا اور اسرائیل نے شروع کیا، تہران مسلط کی گئی جنگ میں اپنے دفاع کررہا ہے۔دوسری جانب پاسداران انقلاب نے بھی امریکی صدر ڈونلڈ ٹرمپ کے جنگ بندی سے متعلق بیان کی تردید کر دی ہے اور کہا کہ آبنائے ہرمز کو امریکی صدر کی مضحکہ خیز نمائش سے نہیں کھولا جائے گا. آبنائے ہرمز مضبوط اور مکمل کنٹرول میں ہے۔