پاکستان سونے کی قیمت میں اچانک بڑی کمی

پاکستان نیوز پوائنٹ
پاکستان میں سونے کی قیمت میں ریکارڈ اضافے کے بعد ہزاروں روپے کی بڑی کمی دیکھنے میں آئی ہے. جہاں فی تولہ سونے کی قیمت میں 13900 روپے اور 10 گرام سونے کی قیمت میں 11917 روپے کمی ہوئی ہے۔کاروباری ہفتے کے دوسرے روز عالمی اور مقامی مارکیٹوں میں سونے کی مسلسل اوپر جاتی قیمت کو بریک لگ گیا، جہاں 3 روزہ وقفے کے بعد سونے اور چاندی کی قیمتوں میں بڑی نوعیت کی کمی ریکارڈ کی گئی ہے۔آل پاکستان جیمز اینڈ جیولرز کے مطابق پاکستان میں سونے کی فی تولہ قیمت 13 ہزار 900 روپے کمی کے بعد 5 لاکھ 49 ہزار962 روپے ہوگئی ہے۔اس کے علاوہ 10 گرام سونے کی قیمت 11 ہزار 917 روپے گھٹ کر 4 لاکھ 71 ہزار 503 روپے کی سطح پر آگئی جب کہ 10 گرام 22 قیراط سونے کی قیمت 5 لاکھ 32 ہزار 226 روپے ہو گئی۔اسی طرح بین الاقوامی بلین مارکیٹ میں سونے کی قیمت 139 ڈالر کمی کے بعد 5 ہزار 272 ڈالر فی اونس ریکارڈ کی گئی ہے۔دوسری جانب پاکستان میں چاندی کی فی تولہ قیمت 1146 روپے کی کمی سے 8 ہزار 904 روپے کی سطح پر آگئی جب کہ فی 10 گرام چاندی کی قیمت بھی 986 روپے کی کمی سے 7 ہزار 633 روپے کی سطح پر آگئی۔