پنجاب میں سیلاب متاثر ین کو امدای رقوم دینے کی تیاریاں مکمل کرلی گئیں

پاکستان نیوز پوائنٹ
پنجاب میں سیلاب متاثر ین کو امدای رقوم دینے کی تیاریاں مکمل کرلی گئیں،سیلاب متاثرین کے لئے امدای چیک بھی تیار کر لئے گئے، سیلاب متاثرہ علاقوں کا سروے تیزی سے جاری ہے، سروے مکمل ہوتے ہی امدادی سلسلہ ایک دو روز میں شروع ہو جائے گا۔تفصیلات کے مطابق سیلاب سے کل 4ہزار 751موضع جات سیلاب سے متاثرہ ہوئے۔ سیلاب سے متاثرہ ٹیموں میں 4مختلف محکموں کے اراکین شامل ہیں۔واضح رہے کہ پنجاب کابینہ نے سیلاب متاثرین کے لیے امدادی پیکج کی منظوری دے دی ہے۔جاں بحق افراد کے لواحقین کو 10لاکھ روپے مستقل معذوری پر 5لاکھ اور معمولی معذوری پر 3لاکھ روپے دیے جائیں گے۔پکا گھر مکمل تباہ ہونے پر 10لاکھ، جزوی نقصان پر 3اورکچے گھر کی مکمل تباہی پر 5لاکھ روپے امداد دی جائے گی۔فصلوں کے 25فیصد نقصان پر فی ایکڑ 20 ہزار روپے امداد کا اعلان کردیا گیا۔ صوبے کے2855موضع جات میں آبیانہ اور ایگریکلچر انکم ٹیکس بھی معاف کر دیا گیا۔