پنجاب کابینہ کا اجلاس مریم نواز نے نئے مالی سال کابجٹ پیش کرنے کی منظوری دیدی

پاکستان نیوز پوائنٹ
وزیراعلیٰ پنجاب مریم نوازشریف کی زیر صدارت صوبائی کابینہ کا بجٹ اجلاس ہوا، جس میں کابینہ نے صوبائی بجٹ 26-2027 کی منظوری دیدی۔وزیراعلی مریم نوازشریف نے صوبائی بجٹ ڈاکومنٹ پر دستخط کردیے۔ وزیراعلی نے سینئر منسٹرمریم اورنگزیب، مجتبیٰ شجاع الرحمن،عظمیٰ بخاری،چیف سیکرٹری اور سیکرٹری فنانس مجاہد شیردل سمیت پوری ٹیم کوسراہا اور شاباش دی۔ مریم نواز شریف نے واضح کیا کہ وفاق کو شیئردینے پر بہت بڑی رقم دینے سے اثر تو آیا لیکن پوری کوشش کی کہ عوام پر بوجھ نہ ڈالا جائے ۔مالی مسائل اورعالمی حالات کے باوجود بغیر کسی نئے ٹیکس کے عوام کی خوشحالی پر مرکوز بجٹ پیش کیا ہے، پنجاب کے بجٹ کی توجہ عوامی ترقی اورریلیف پرمرکوزہے ۔وزیراعلی نے اس عزم کا اظہار کیا کہ پوری امید ہے کہ گزشتہ سالوں کی طرح عوام کی امنگوں پرپورااتریں گے، یہ امید کا بجٹ ہے، اپنی عوام کو اپنے وسائل سے ریلیف دیں گے اوراللہ تعالیٰ سے دعا ہے کہ صدق دل سے پنجاب کے عوام کی خدمت کی توفیق دے۔