کیش لیس پاسپورٹ فیس نظام آج سے ملک بھر میں نافذ ہوگیا وفاقی وزیر داخلہ محسن نقوی

پاکستان نیوز پوائنٹ
ملک بھر کے تمام پاسپورٹ دفاتر میں کیش لیس ادائیگی کا نظام فعال ہوگیا۔پاسپورٹ فیس جمع کرانے کے لیے قطاروں اور انتظار کا خاتمہ کردیاگیا ۔ وفاقی وزیر داخلہ محسن نقوی نے ایکس پر پیغام دیتے ہوئے کہا پاسپورٹ درخواست گزار اب ڈیجیٹل طریقے سے فیس ادا کر سکیں گے۔کیش لیس پاسپورٹ فیس نظام آج سے ملک بھر میں نافذ ہے ۔ وزیراعظم کی ہدایات پر عوامی سہولت کا اہم منصوبہ مکمل کرلیا ۔ شفاف، تیز اور آسان سرکاری خدمات کی جانب ایک اور اہم قدم ہے ۔ پاسپورٹ نظام میں جدید اصلاحات کا سلسلہ جاری رہے گا،ڈی جی امیگریشن اینڈ پاسپورٹس کی ٹیم نے اہم سنگ میل عبور کیا، کیش لیس ادائیگی سے شہریوں کو گھنٹوں انتظار سے نجات ملے گی، پاسپورٹ دفاتر میں جدید ڈیجیٹل ادائیگی کا نظام مکمل طور پر نافد ہوگا ۔