آیت اللہ علی خامنہ ای کی آخری رسومات چیئرمین سینٹ یوسف گیلانی تہران روانہ

پاکستان نیوز پوائنٹ
چیئرمین سینیٹ سید یوسف رضا گیلانی آیت اللہ سید علی خامنہ ای کی آخری رسومات میں شرکت کے لیے تہران روانہ ہوگئے۔چیئرمین سینیٹ ایرانی پارلیمان کے اسپیکر محمد باقر قالیباف کی دعوت پر ایران کا دورہ کر رہے ہیں۔گورنر خیبر پختونخوا فیصل کریم کنڈی بھی چیئرمین سینیٹ کے ہمراہ ہیں چیئرمین سینیٹ سید یوسف رضا گیلانی نے کہا آیت اللہ سید علی خامنہ ای کا انتقال ایران، پاکستان اور پوری امتِ مسلمہ کے لیے ایک عظیم نقصان ہے، مرحوم آیت اللہ سید علی خامنہ ای غیر معمولی بصیرت، دانشمندی اور قائدانہ صلاحیتوں کے حامل رہنما تھے، ۔پاکستان نے آیت اللہ سید علی خامنہ ای کے انتقال سے ایک مخلص دوست اور مسلم دنیا نے ایک دور اندیش قائد کھو دیا ہے۔چیئرمین سینیٹ نے ایرانی پارلیمان، حکومت اور عوام سے دلی تعزیت اور ہمدردی کا اظہار کیا ۔ یوسف گیلانی نے کہا آیت اللہ سید علی خامنہ ای کی خدمات اور قیادت کو ہمیشہ یاد رکھا جائے گا،اللہ تعالیٰ مرحوم کے درجات بلند فرمائے اور ایرانی عوام کو یہ صدمہ برداشت کرنے کی توفیق عطا کرے۔پاکستان اور ایران کے برادرانہ تعلقات باہمی احترام، دوستی اور مشترکہ اسلامی اقدار پر استوار ہیں.