ہانگ کانگ کے رہائشی کمپلیکس میں آتشزدگی سے 55 افراد ہلاک

پاکستان نیوز پوائنٹ
ہانگ کانگ کے شمالی علاقے میں واقع ایک کثیرالمنزلہ رہائشی کمپلیکس میں گزشتہ رات لگنے والی آتشزدگی کے نتیجے میں اموات کی تعداد 55 تک پہنچ گئی ہے۔ آگ نے کمپلیکس کے کئی بلاکس کو اپنی لپیٹ میں لے لیا، جس سے تباہی کا منظر تھا۔ غیر ملکی خبر رساں اداروں کے مطابق، آتشزدگی کے واقعے میں 51 افراد موقع پر ہی ہلاک ہو گئے، جب کہ 4 افراد اسپتال میں دوران علاج دم توڑ گئے۔ ہانگ کانگ فائر سروس حکام کے مطابق، رہائشی کمپلیکس کے 8 بلاکس میں سے 4 بلاکس میں لگی آگ پر قابو پا لیا گیا ہے، جبکہ باقی بلاکس میں آگ پر قابو پانے کی کوششیں جاری ہیں۔