آئی ایم ایف کا پاکستان سے ٹیکس نیٹ بڑھانے اور ٹیکس وصولی بہتر بنانے پر زور

پاکستان نیوز پوائنٹ
آئی ایم ایف نے پاکستان سے ٹیکس نیٹ بڑھانے اور ٹیکس وصولی بہتر بنانے پر زور دیا ہے۔ذرائع وزارت خزانہ کا کہنا کہ کہ آئی ایم ایف وفد سے آئندہ مالی سال 2026-27 کے بجٹ کے لیے ورچوئل مذاکرات جاری رہیں گے.وفد کے ساتھ کل سے ورچوئل مذاکرات شروع ہوں گے. جس میں بجٹ کے اہداف طے کیے جائیں گے۔آئی ایم ایف کا کہنا ہے کہ مہنگائی کنٹرول کرنے کے لیے اسٹیٹ بینک سخت مانیٹری پالیسی جاری رکھے گا۔اعلامیے میں کہا گیا ہے کہ مذاکرات میں توانائی شعبہ، سرکاری اداروں اور مالیاتی اصلاحات پر پیشرفت کا جائزہ لیا گیا ہے، کلائمٹ فنڈنگ، پاور سبسڈی اصلاحات اور آفات سے نمٹنے کے فریم ورک پر گفتگو ہوئی ہے۔اس کے علاوہ مشرق وسطیٰ کشیدگی کے پاکستان کی معیشت پر اثرات بھی زیر غور آئے ہیں۔اعلامیے کے مطابق شیڈول مذاکرات مکمل ہونے کے بعد آئی ایم ایف وفد روانہ ہوگیا ہے۔اعلامیے کے مطابق اگلی قسط کے لیے پاکستان سے آئندہ تین سالوں کے یلے میکرو اکنامک فریم ورک مانگا گیا ہے اور ٹیکس نیٹ بڑھانے، ٹیکس وصولی بہتر بنانے پر زور دیا ہے۔