آپ دل بڑارکھیں یہ کیا سوالات پچھوائے ہیں؟صحافیوں کا پوسٹ بجٹ پریس کانفرنس کے بعد وزراء سے احتجاج

پاکستان نیوز پوائنٹ
پوسٹ بجٹ پریس کانفرنس میں سوالات پوچھنے کا موقع نہ ملنے پر صحافیوں کی وفاقی وزراء سے احتجاج کی ویڈیو سامنے آ گئییاد رہے کہ گزشتہ روز وفاقی وزیر خزانہ محمد اورنگزیب نے دیگر وزراء کے ہمراہ پوسٹ بجٹ پریس کانفرنس کی اور صحافیوں کے سوالات کے جوابات دیئے، وائرل ویڈیو میں دیکھا جا سکتا ہے کہ صحافی وفاقی وزراء کے ڈائس کے سامنے کھڑے ہیں اور احتجاج کررہے ہیں، اس دوران وفاقی وزیر اطلاعات عطا اللہ تارڑ انہیں بیٹھانے کی کوشش کررہے ہیں۔اس دوران ایک صحافی کہتا ہے کہ سر وزیر اطلاعات کا پوسٹ بجٹ پریس کانفرنس سے کوئی تعلق نہیں ،اس صحافی کاکہناتھا کہ آپ پریس کانفرنس کر رہے ہیں، آپ کے اشاروں پر وہ کام کررہے ہیں،ہم بھی 25سالوں سے بجٹ کور کررہے ہیں۔وفاقی وزیر اطلاعات کاکہناتھا کہ آپ جواب لے کر جائیں گے،صحافی کاکہناتھا کہ آپ دل تھوڑا سا بڑا رکھیں۔صحافی نے وفاقی وزیر خزانہ کو مخاطب کرتے ہوئے کہاکہ یہ کیا سوالات آپ نے پوچھے ہیں سر،آپ نے کیا سوالات پچھوائے ہیں ۔اس پر عطا اللہ تارڑ نے کہاکہ آپ بیٹھیں آپ کے سوالات ہم نے لینے ہیں،صحافی کاکہناتھا کہ ٹھیک ہے سر آپ لوگ خوش رہیں۔