امریکہ نے آبنائے ہرمز کی ناکہ بندی کرنے کا اعلان کردیا

پاکستان نیوز پوائنٹ
امریکی سینٹرل کمانڈ نے صدر ڈونلڈ ٹرمپ کے اعلان کے بعد آبنائے ہرمز کی ناکہ بندی کے وقت کا اعلان کر دیا ہے۔امریکی سینٹرل کمانڈ کے اعلان کے مطابق 13 اپریل کو صبح 10 بجے(ایسٹرن ٹائم) ایرانی بندرگاہوں میں داخل ہونے اور نکلنے والی تمام سمندری ٹریفک کی ناکہ بندی پر عمل درآمد شروع کرنے کا اعلان کیا ہے۔ سینٹ کام کے مطابق یہ ناکہ بندی تمام ممالک کے جہازوں پر یکساں طور پر نافذ کی جائے گی جو ایرانی بندرگاہوں یا ساحلی علاقوں میں داخل ہوں گے یا وہاں سے نکلیں گے۔ اس میں خلیج اور بحیرہ عمان میں واقع تمام ایرانی بندرگاہیں شامل ہیں۔تاہم سینٹ کام آبنائے ہرمز کے ذریعے غیر ایرانی بندرگاہوں کی طرف جانے یا وہاں سے آنے والے جہازوں کی آزادی آمدورفت میں رکاوٹ نہیں ڈالیں گی۔ سینٹ کام کا کہنا ہے کہ ناکہ بندی کے آغاز سے قبل تجارتی جہاز رانی کے اداروں کو باضابطہ نوٹس کے ذریعے مزید معلومات فراہم کی جائیں گی۔ تمام جہاز رانوں کو ہدایت دی گئی ہے کہ وہ نوٹس ٹو میرینرز کی نشریات پر نظر رکھیں اور خلیج عمان اور آبنائے ہرمز کے اطراف میں آپریشن کے دوران برج ٹو برج چینل 16 پر امریکی بحریہ سے رابطہ رکھیں۔ یاد رہے کہ ڈونلڈ ٹرمپ نے ٹروتھ سوشل پر ایک پوسٹ میں کہا تھا کہ امریکہ آبنائے ہرمز میں داخل ہونے یا وہاں سے نکلنے کی کوشش کرنے والے تمام جہازوں کی ناکہ بندی کے عمل کا آغاز کرے گا۔