امریکی صدر ڈونلڈ ٹرمپ نے کہا ہے کہ میرے بغیر اسرائیل کا وجود مشکل ہوتا اور اگر میں نہ ہوتا تو وہ بھی نہ ہوتا

پاکستان نیوز پوائنٹ
امریکی صدر ڈونلڈ ٹرمپ جو فرانس کے سیاحتی مقام ایویان لے باں میں موجود ہیں، وہاں قطری امیر شیخ تمیم بن حمدالثانی سے ملاقات کے دوران جہاں انہوں نے ایران سے معاہدے پر تفصیلی گفتگو کی وہیں اسرائیل سے متعلق بھی اظہار خیال کیا۔صدر ٹرمپ نے کہا کہ اسرائیل کا بیروت پر حملے مجھے پسند نہیں آیا۔ اگر میں نہیں ہوتا تو اسرائیل بھی نہ ہوتا، میرے بغیر اسرائیل کا وجود مشکل ہوتا۔ڈونلڈ ٹرمپ نے مزید کہا کہ اسرائیل نے جس طرح لبنان کے معاملے کو ڈیل کیا اس سے خوش نہیں۔ اسرائیل کا لبنان سے متعلق معاملہ ختم نہیں ہو رہا بلکہ مزید بڑھتا جا رہا ہے۔انہوں نے کہا کہ شامی صدر احمد الشرح نے شاندار کام کیا ہے۔ شام کی موجودہ حکومت تمام معاملات کو بہترین طریقے سے چلا رہی ہے۔ اسرائیل کو مشورہ دیا تھا کہ حزب اللہ کو سنبھالنے کی ذمہ داری شام کو سونپی جائے۔