انٹیلی جنس بیسڈ آپریشن میں 35 دہشت گرد مارے گئے بلوچستان حکومت

پاکستان نیوز پوائنٹ
بلوچستان کے علاقے منگلہ زرغون غر میں سکیورٹی فورسز کے 13 مئی سے جاری انٹیلی جنس بیسڈ آپریشن کے دوران فتنہ الہندوستان سے تعلق رکھنے والے 35 سے زائد عسکریت پسند مارے گئے۔ بلوچستان کے وزیراعلیٰ کے معاون برائے سیاسی و میڈیا امور شاہد رند نے بتایا کہ آپریشن کے دوران دہشت گردوں کے متعدد کیمپس اور ٹھکانے بھی تباہ کیے گئے جس سے ان کے نیٹ ورک کو شدید نقصان پہنچا ۔انہوں نے بتایا کہ کارروائی کے دوران فتنہ الہندوستان کے تین اہم کمانڈرز کو گرفتار بھی کیا گیا جن سے اہم معلومات حاصل ہوئی ہیں، ان معلومات کی بنیاد پر مزید کارروائیاں جاری ہیں ۔شاہد رند کا کہنا تھا کہ دہشت گرد تنظیم کے سہولت کاروں اور پشت پناہ عناصر کے خلاف بھی گھیرا تنگ کیا جا رہا ہے اور ریاست پاکستان دہشت گردی کے مکمل خاتمے تک اپنی کارروائیاں جاری رکھے گی۔انہوں نے عوام سے اپیل کی کہ وہ سکیورٹی فورسز کے ساتھ مکمل تعاون کریں اور مشکوک عناصر کی نشاندہی کریں۔