ایران نے آبنائے ہرمز میں اسرائیلی جہاز سمیت دو بحری جہاز قبضےمیں لے لئے

پاکستان نیوز پوائنٹ
آبنائے ہرمز میں بڑھتی کشیدگی کے دوران ایران نے کارروائی کرتے ہوئے اسرائیلی جہاز سمیت دو بحری جہازوں کو قبضے میں لے لیا۔ایرانی سرکاری میڈیا کے مطابق پاسدارانِ انقلاب نے دعویٰ کیا ہے کہ دونوں جہازوں کو سمندری قوانین کی خلاف ورزی پر روکا گیا اوربعد ازاں ایرانی حدود میں منتقل کردیا گیا۔پریس ٹی وی کی رپورٹ کے مطابق قبضے میں لیے گئے جہازوں کی شناخت ایم ایس سی فرانسسکا اورایپامینوڈس کے نام سے کی گئی ہے، جن میں سے ایم ایس سی فرانسسکا کا تعلق اسرائیل سے بتایا جا رہا ہے۔ایرانی حکام کے مطابق دونوں جہاز آبنائے ہرمزمیں بغیراجازت سرگرم تھے اورباربار بین الاقوامی بحری قواعد کی خلاف ورزی کر رہے تھے۔ایرانی بحریہ کا کہنا ہے کہ جہازوں کی جانب سے نیویگیشن سسٹم میں رد و بدل کیا گیا. جس سے خطے میں سمندری سلامتی کو خطرات لاحق ہوئے، حکام کے مطابق انہی وجوہات کی بنا پردونوں جہازوں کو قبضے میں لے کرایرانی ساحل کی جانب منتقل کیا جا رہا ہے۔پاسدارانِ انقلاب نے واضح کیا ہے کہ آبنائے ہرمزسے گزرنے والے تمام جہازوں کوایران کے مقررکردہ ضوابط کی پابندی کرنا ہوگی. بصورت دیگرخلاف ورزی کرنیوالوں کیخلاف سخت اورقانونی کارروائی عمل میں لائی جائے گی۔