ایران نے متحدہ عرب امارات کو نشانہ بنانے کی تردید کر دی

پاکستان نیوز پوائنٹ
ایرانی ترجمان دفتر خارجہ نے متحدہ عرب امارات پرحملوں کےالزام کی تردید کردی۔ جبکہ ایرانی افواج کے ترجمان نے انتباہ دیا ہے کہ امارات سے ایران کے خلاف کارروائی کی گئی تو سخت جواب دیں گےترجمان ایرانی وزارت خارجہ کی جانب سےجاری بیان میں کہا گیا ہے کہ یواےای کا امریکا اور اسرائیل سے تعاون ناقابلِ قبول ہے،دفاعی کارروائی صرف امریکا کےخلاف تھی،ابوظہبی میں فوجی اڈےایران کے خلاف اقدام تصورکیاجارہاہے،ایران مخالف اقدامات پر بھرپور ردعمل دیا جائے گا۔دوسری جانب ایران کےمرکزی خاتم الانبیا ہیڈکوارٹرز کےترجمان نےکہا ہےکہ ایران کی مسلح افواج نے متحدہ عرب امارات پرکوئی میزائل یاڈرون حملے نہیں کیے،امارات کی وزارتِ دفاع کی رپورٹ سراسر غلط اور بےبنیادہے،امارات سےایران کےخلاف کارروائی کی گئی تواسکاسخت جواب دیں گے،آپ کاملک امریکیوں اور صہیونیوں کے لیے محفوظ ٹھکانہ نہ بنے،ایسا ہوا تو یہ امتِ مسلمہ کے ساتھ غداری ہوگی۔ترجمان مرکزی خاتم الانبیا ہیڈکوارٹرز نے مزیدکہاکہ امریکا اوراسرائیل اسلام کےدشمن ہیں اورخطےمیں عدمِ استحکام کاسبب بنتےہیں،پروپیگنڈا،جھوٹے الزامات اورخود کو مظلوم ظاہر کرنا مسئلے کا حل نہیں،ماضی میں جوبھی ضبط وتحمل دکھایا گیا وہ اماراتی مسلمانوں کی سلامتی کی وجہ سے تھا۔ایرانی نیوی نےآبنائے ہرمز سے گزرنے والےجہازوں کو تنبیہ کرتے ہوئےکہا ہےکہ تمام جہازایران کے مقررکردہ مخصوص راستوں کو استعمال کریں،راستہ تبدیل کرنے پر انہیں فیصلہ کن جواب کا سامنا کرنا پڑے گا