ایف بی آر کی جانب سے سیلز ٹیکس رجسٹرڈ ٹیکس دہندگان کیلئے اہم خبر

پاکستان نیوز پوائنٹ
فیڈرل بورڈ آف ریونیو(ایف بی آر) نے سیلز ٹیکس رجسٹرڈ کاروبار کے لیے ڈیجیٹل انوائسنگ سسٹم متعارف کروا دیا ہے۔ایف بی آر کے مطابق کارپوریٹ رجسٹرڈ ٹیکس دہندگان کا ترجیحی بنیادوں پر انضمام کیا جا رہا ہے. انضمام کی سہولت پرال کی جانب سے مفت فراہم کی جا رہی ہے اس طرح ٹیکس دہندگان اپنی انوائسنگ سسٹمز کو لائسنس یافتہ انٹیگریٹرز کے ذریعے ایف بی آر سے منسلک کر سکتے ہیں۔انضمام کے بعد سسٹم خودکار طریقے سے ڈیجیٹل انوائس تیار کرے گا، جبکہ منظور شدہ انوائس پر کیو آر کوڈ اور منفرد نمبر فراہم کیا جائے گا، اور سپلائر اور خریدار دونوں کو ڈیجیٹل پورٹل پر انوائس کی فوری رسائی حاصل ہوگی۔ایف بی آر کا کہنا ہے کہ درست ڈیٹا رپورٹنگ اور شفافیت یقینی بنانے کے لیے جدید سسٹم متعارف کیا گیا ہے، جبکہ نیا ٹیکس دہندہ بی آئی ڈیش بورڈ انوائسز کی تعداد، اقسام اور ویلیو کا مکمل ریکارڈ فراہم کرتا ہے۔ٹیکس دہندگان ایک کلک کے ذریعے منظور شدہ انوائسز کو اپنے ٹیکس دورانیہ میں لوڈ کر سکتے ہیں، جبکہ ایف بی آر کے ڈیجیٹل انوائسنگ سسٹم سے منسلک ہو کر وقت، محنت اور اخراجات کی بچت کریں۔