ایف سی کو وفاقی فورس کا درجہ مل گیا صدارتی آرڈیننس جاری

پاکستان نیوز پوائنٹ
فرنٹیئر کانسٹیبلری کو صدارتی آرڈیننس کے ذریعے وفاقی فورس کا درجہ دے دیا گیا۔صدر آصف علی زرداری کے جاری کردہ آرڈیننس کے تحت حکومت کو ایف سی کو وفاقی کانسٹیبلری میں تبدیل کرنے کے اختیارات حاصل ہو گئے ہیں۔آرڈیننس کے اجرا کے فوراً بعد وزارتِ قانون و انصاف نے اس حوالے سے ایک باضابطہ نوٹیفکیشن جاری کر دیا ہے۔آرڈیننس میں کہا گیا ہے کہ چونکہ سینیٹ اور قومی اسمبلی کے اجلاس نہیں ہو رہے اور صدر مطمئن ہیں کہ فوری اقدام اٹھانا ضروری ہے لہٰذا یہ آرڈیننس جاری کیا گیا ہے۔فرنٹیئر کانسٹیبلری “تنظیمِ نو”آرڈیننس 2025 فوری طور پر نافذ العمل ہو گیا۔