ایک مہینے میں 2 تنخواہیں حکومت کا عید الفطر پر ملازمین کو بڑا مالی ریلیف

پاکستان نیوز پوائنٹ
عید الفطر کے پر مسرت موقع پر وفاقی اور صوبائی حکومتوں نے سرکاری ملازمین کے لیے بڑا مالی ریلیف فراہم کرنے کا فیصلہ کرلیا. تاکہ عید کی خریداری تیاریوں میں آسانی محسوس کریں۔ یہ اقدام ملازمین اور پنشنرز کی مالی سہولت کو مدنظر رکھتے ہوئے کیا گیا ہے تاکہ انہیں تہوار سے پہلے اپنی تنخواہیں اور الاؤنسز بروقت مل سکیں۔رمضان المبارک کے اختتام پر منائے جانے والے اس بڑے مذہبی تہوار میں لوگ اپنے گھروں اور خاندانوں کے لیے ضروری اشیاء کی خریداری اور جشن منانے کی تیاریاں کرتے ہیں۔ اس خوشی کے موقع پر وفاق، پنجاب، سندھ، بلوچستان اور دیگر صوبوں کی حکومتوں نے اعلان کیا ہے کہ مارچ 2026 کی تنخواہیں، الاؤنسز اور پنشنز عید سے پہلے جاری کر دی جائیں گی۔حکام کے مطابق تمام مسلم سرکاری ملازمین، بشمول ورک چارجڈ اور کنٹینجنٹ پیڈ عملہ، اور پنشنرز کو 16 مارچ 2026 کو اپنی مکمل تنخواہ اور پنشن مل جائے گی۔ متعلقہ محکموں کو ہدایت کی گئی ہے کہ وہ پے رول اور پنشن کی ادائیگیوں میں کوئی تاخیر نہ کریں تاکہ عید کی چھٹیوں سے قبل تمام رقوم ملازمین کے اکاؤنٹس میں منتقل ہو جائیں۔پاکستان میں رواں سال رمضان کے 30 روزے مکمل ہونے کے بعد عید الفطر 21 مارچ 2026 کو منانے کی توقع ہے .تاہم حتمی تاریخ چاند دیکھنے کے بعد طے کی جائے گی۔ حکومتوں کا یہ اقدام اس بات کو یقینی بنانا ہے کہ عید کی خوشیوں کے دوران سرکاری ملازمین کو مالی مشکلات کا سامنا نہ ہو اور وہ اپنی تیاریاں آسانی سے مکمل کر سکیں۔