خواجہ آصف نے کہا کہ پاکستان کا نام ایئر سیفٹی لسٹ سے نکالا جانا اہم سنگِ میل ہے

پاکستان نیوز پوائنٹ
وزیر دفاع خواجہ آصف کا کہنا ہے،،،سابق وزیر ہوا بازی کے اقدامات سے پاکستانی ایئر لائنز پر پابندیاں لگی تھیں،،، غلام سرور خان نے اپنے ادارے کے خلاف جو جرم کیا وہ قومی جرم تھا۔بانی پی ٹی آئی اور غلام سرور نے قومی ایئر لائن کو قبرستان بنایا۔اسلام آباد میں پریس کانفرنس کرتے ہوئے خواجہ آصف نے کہا کہ پاکستان کا نام ایئر سیفٹی لسٹ سے نکالا جانا اہم سنگِ میل ہے۔آج شہباز شریف کی قیادت میں پاکستان نے سنگِ میل عبور کیا ہے۔قومی ایئر لائن کے علاوہ ایک نجی ایئر لائن کو بھی برطانیہ نے اجازت دی ہے۔خواجہ آصف نے کہا کہ ہماری کوشش ہے کہ نیویارک کی پروازیں بھی بحال ہوں،، قومی ایئر لائن پر پابندی کیوں لگی اس کا تعین حکومت کی ذمے داری ہے۔