سیکورٹی فورسز نے منظم دہشتگرد حملہ ناکام بنا دیا پنجگور میں 6 دہشتگرد جہنم واصل

پاکستان نیوز پوائنٹ
سیکورٹی فورسز نے بلوچستان کے ضلع پنجگور میں منظم دہشتگرد حملے کو ناکام بناتے ہوئے 6 دہشتگردوں کو جہنم واصل کردیا۔اطلاعات کے مطابق رات دیر گئے نامعلوم مسلح افراد نے گرمکن اور خدا آبادان کے علاقوں میں گھروں میں داخل ہو کر ڈیکی اور لوٹ مار کی، رہائش گاہوں کو نقصان پہنچایا اور متعدد گاڑیاں آگ لگا دیں۔اسی دوران سیکیورٹی فورسز کو بروقت اطلاع موصول ہوئی تو انہوں نے فوری طور پر کارروائی شروع کی اور حملہ آوروں کا مقابلہ کیا۔ اس تبادلے میں 6 دہشت گرد ہلاک ہو گئے جبکہ ان کے قبضے سے بڑی تعداد میں اسلحہ اور گولہ بارود بھی برآمد ہوا۔مقامی لوگوں نے فورسز کی فوری کارروائی کا خیرمقدم کیا اور کہا کہ اس تیز ردعمل نے حالات کو مزید خراب ہونے سے روک دیا۔