صدر آصف زرداری سے وزیر داخلہ محسن نقوی کی ملاقات سیاسی و قومی امور پر گفتگو

پاکستان نیوز پوائنٹ
صدر مملکت آصف علی زرداری سے وفاقی وزیر داخلہ محسن نقوی نے لاہور میں اہم ملاقات کی جس میں ملک کی مجموعی سیاسی صورتحال، اہم قومی معاملات اور موجودہ سیاسی منظرنامے پر تفصیلی تبادلہ خیال کیا گیا۔ ذرائع کے مطابق صدر آصف زرداری اور وفاقی وزیر داخلہ محسن نقوی کی ملاقات لاہور رائیونڈ روڈ پر نجی ہاؤسنگ سوسائٹی میں ہوئی۔ملاقات کے دوران دونوں رہنماؤں کے درمیان اہم سیاسی امور، ملکی معاملات اور باہمی دلچسپی کے موضوعات پر گفتگو ہوئی جبکہ موجودہ سیاسی صورتحال اور آئندہ کے سیاسی منظرنامے سے متعلق بھی مشاورت کی گئی۔ ذرائع کا کہنا ہے ملاقات میں حالیہ اہم سیاسی پیش رفت بھی زیر بحث آئی اور مختلف قومی معاملات پر تفصیلی تبادلہ خیال کیا گیا۔صدر مملکت اور وفاقی وزیر داخلہ کے درمیان ملاقات ڈنر کے دوران بھی جاری رہی۔ ذرائع کے مطابق ملاقات میں ملک کی موجودہ سیاسی صورتحال کے ساتھ آئندہ کی ممکنہ پیش رفت اور اہم ترین امور پر بھی مشاورت کی گئی۔ دونوں رہنماؤں کی ملاقات کو موجودہ سیاسی حالات کے تناظر میں اہم قرار دیا جا رہا ہے۔ صدر آصف علی زرداری آج بھی لاہورمیں مصروف دن گزاریں گے۔