پاکستان نیوز پوائنٹ
صدر مملکت آصف علی زرداری نے دورہ چین کے دوران صوبہ ہونان کے پارٹی سیکرٹری شین شیاؤمنگ کی ملاقات،دو طرفہ تعلقات کومزید مضبوط بنانے کے عزم کا اعادہ۔زراعت، صحت، تعلیم اور تجارت کے شعبوں میں تعاون کوفروغ دینے پرتبادلہ خیال کیا گیا۔تفصیلات کے مطابق ملاقات میں پاک۔چین تعلقات مضبوط بنانے پراتفاق کیا گیا۔اس موقع پر صدرآصف علی زرداری نےکہا کہ پاک،چین تعلقات پاکستان کی خارجہ پالیسی کا اہم جزو ہیں،چین کے ساتھ تعلقات نسلوں پرمحیط ہیں۔ صدر مملکت نے زرعی ٹیکنالوجی اور آلات کے میدان میں صوبہ ہونان کی مہارت کو سراہا اور صوبہ ہونان کی ٹیکنالوجی کو پاکستان کی پیداواری صلاحیت بڑھانے کےلئے انتہائی موزوں قرار دیا۔ صدر مملکت نے مختلف شعبوں میں دوطرفہ تجارت کو وسعت دینے کی ضرورت پر زور دیا۔ملاقات میں صوبہ ہونان کے پارٹی سیکرٹری شین شیاؤمنگ نےکہا کہ ہونان کی جامعات نے پاکستانی اداروں کے ساتھ تعاون کے 12معاہدے کئے ہیں،959 پاکستانی طلبہ ہونان کے مختلف شعبوں میں زیر تعلیم ہیںصدر آصف علی زرداری نے صوبہ ہونان کے گورنر ماؤ ویمنگ کی جانب سے دیئے گئے عشائیے میں شرکت کی۔ انہوں نے کہاکہ صوبہ ہونان کو چیئرمین ماؤ زے تنگ کی جائے پیدائش ہونے کی وجہ سے خاص مقام حاصل ہے،طاقت کا سرچشمہ عوام ہیں کا نظریہ پاکستانیوں کے لئے قابلِ احترام ہے، پاکستان اور چین کے عوام گہرے رشتوں میں بندھے ہوئے ہیں،پاکستان اورچین کے عوام کے دل ایک ساتھ دھڑکتے ہیں۔اس موقع پرصوبہ ہونان کے گورنر نے پاک چین دوستی کومثالی قراردیا۔
پاکستان نیوز پوائنٹ وزیراعظم شہباز شریف کی زیر صدارت تین سینٹر آف ایکسی لینس کے…
پاکستان نیوز پوائنٹ چیئرمین پی سی بی محسن نقوی نے کہا ہے کہ ابھی ابھی…
پاکستان نیوز پوائنٹ اسٹیٹ بینک نے نئی مانیٹری پالیسی کا اعلان کرتے ہوئے بنیادی شرح…
پاکستان نیوز پوائنٹ وفاقی حکومت نے طویل انتظار کے بعد 35 نئی ضروری اور جان…
پاکستان نیوز پوائنٹ امریکہ کے ساتھ جاری کشیدگی کے دوران ایران نے آبنائے ہرمز کھولنے…
پاکستان نیوز پوائنٹ افغانستان کی جانب سے انگور اڈہ زلول خیل میں اشتعال انگیزی کی…