عالمی منڈی میں خام تیل کی قیمتوں میں 7 فیصد کمی

پاکستان نیوز پوائنٹ
عالمی منڈی میں خام تیل کی قیمتوں میں نمایاں کمی ریکارڈ کی گئی ہے جس کے اثرات پاکستان میں بھی نظر آنے لگے ہیں۔ عالمی تیل کی قیمتیں 13 جولائی کے بعد اپنی کم ترین سطح پر بند ہوئیں،، جسے توانائی کی عالمی منڈی میں اہم پیش رفت قرار دیا جا رہا ہے۔ اب بات کرلیتے ہیں پاکستان تک پہنچنے والے اس ریلیف کی۔ پٹرولیم مصنوعات کی قیمتوں میں کمی کا اعلان کردیا گیا ہے۔ نوٹیفکیشن کے مطابق،،،پٹرول کی قیمت میں 4 روپے 8 پیسے فی لٹر کمی کی گئی ہے جس کے بعد پٹرول کی نئی قیمت 331 روپے 95 پیسے فی لٹر مقرر کر دی گئی ہے۔ اسی طرح ہائی سپیڈ ڈیزل کی قیمت میں 2 روپے 45 پیسے فی لٹر کمی کی گئی ہے جس کے بعد ڈیزل کی نئی قیمت 389 روپے 93 پیسے فی لٹر ہو گئی ہے۔ پیٹرولیم مصنوعات کی قیمتوں میں یہ کمی عالمی منڈی میں تیل کی قیمتوں میں تبدیلی اور حکومتی پٹرولیم پرائسنگ پالیسی کے تحت کی گئی ہے جس سے ٹرانسپورٹ اور دیگر شعبوں میں اخراجات میں کمی آنے کی توقع ہے۔ حکومت نے پیٹرول اور ہائی اسپیڈ ڈیزل کے بعد مٹی کے تیل کی قیمت میں بھی کمی کا اعلان کر دیا ہے۔ اوگرا کی جانب سے جاری نوٹیفکیشن کے مطابق مٹی کے تیل کی قیمت میں 3 روپے 58 پیسے فی لیٹر کمی کی گئی ہے، جس کے بعد نئی قیمت 301 روپے 64 پیسے فی لیٹر مقرر کر دی گئی ہے۔اوگرا کے مطابق مٹی کے تیل کی سابقہ قیمت 305 روپے 22 پیسے فی لیٹر تھی، جسے کم کر کے نئی قیمت نافذ کر دی گئی ہے۔ نئی قیمتوں کا اطلاق فوری طور پر کر دیا گیا ہے، جس سے مٹی کے تیل استعمال کرنے والے صارفین کو کچھ ریلیف ملے گا۔