غزہ میں انٹرنیشنل اسٹیبلائزیشن فورس کی تیاری ٹرمپ کا ہزاروں اہلکاروں اور اربوں ڈالر فنڈ کا دعویٰ

پاکستان نیوز پوائنٹ
امریکی صدر Donald Trump نے اعلان کیا ہے کہ بورڈ آف پیس کے رکن ممالک نے غزہ میں تعینات ہونے والی انٹرنیشنل اسٹیبلائزیشن فورس کے لیے ہزاروں اہلکار فراہم کرنے کا وعدہ کیا ہے۔ انہوں نے اپنے سوشل میڈیا پلیٹ فارم Truth Social پر جاری بیان میں کہا کہ اس پیش رفت کا باضابطہ اعلان 19 فروری کو واشنگٹن میں ہونے والے اجلاس میں کیا جائے گا، جو Trump Peace Institute of Peace میں منعقد ہوگا۔ٹرمپ کے مطابق رکن ممالک نے غزہ میں انسانی امداد اور تعمیر نو کے لیے 5 ارب ڈالر سے زائد فنڈ فراہم کرنے کا بھی عہد کیا ہے، جبکہ سیکیورٹی اور امن برقرار رکھنے کے لیے ہزاروں اہلکار انٹرنیشنل اسٹیبلائزیشن فورس اور مقامی پولیس کے ساتھ تعینات کیے جائیں گے۔ انہوں نے اس بات پر زور دیا کہ حماس کو مکمل اور فوری طور پر غیر مسلح ہونے کے اپنے عزم پر قائم رہنا ہوگا۔ادھر ترجمان دفتر خارجہ کے مطابق وزیر اعظم Shehbaz Sharif بھی آئندہ اجلاس میں شرکت کریں گے اور ان کے ہمراہ نائب وزیر اعظم و وزیر خارجہ Ishaq Dar موجود ہوں گے۔ یاد رہے کہ United Nations Security Council کی قرارداد کے تحت جنگ بندی کے بعد غزہ میں بین الاقوامی استحکامی فورس کے قیام کی منظوری دی گئی تھی، جبکہ بورڈ آف پیس کو گزشتہ ماہ باضابطہ طور پر قائم کیا گیا تھا۔