وزیراعظم شہباز شریف نے معاشی طور پر کمزور طبقے کو ریلیف کی فراہمی کا تسلسل برقرار رکھنے کا فیصلہ کیا ہے

پاکستان نیوز پوائنٹ
اس حوالے سے جاری اعلامیہ کے مطابق موٹر سائیکل سواروں، پبلک، گڈز ٹرانسپورٹ کیلئے سبسڈی میں ایک ماہ کی توسیع کا فیصلہ کیا گیا ہے۔ وزیراعظم نے سفری کرایوں اور مال بردار گاڑیوں کے کرایوں میں اضافہ روکنے کی بھی ہدایت کردی۔ وزیراعظم شہباز شریف نے کہا ہے کہ عوامی ریلیف کے اقدامات کی مؤثر نگرانی یقینی بنائی جائے۔ انہوں نے کہا کہ وفاقی حکومت نے صوبائی حکومتوں کے تعاون سے عام آدمی کیلئے اربوں روپے کا قومی ریلیف پیکیج فراہم کیا۔ شہباز شریف نے مزید کہا کہ ان حالات میں جس قدر ممکن ہوسکا عوام کو ریلیف فراہم کرتے رہیں گے۔ عام آدمی کو ریلیف فراہم کرنا حکومت کی اولین ترجیح رہے گی۔ کسی بھی صورت عوام کو تنہا نہیں چھوڑا جائے گا۔