وزیراعلیٰ پنجاب مریم نواز نے ای ٹیکسی اسکیم کا افتتاح کردیا

پاکستان نیوز پوائنٹ
لاہور میں خصوصی تقریب سے خطاب کرتے ہوئے مریم نواز نے کہا کہ ای ٹیکسی اسکیم روزگار کا باعزت منصوبہ ہے جس کے ذریعے ماہانہ ڈیڑھ سے 2 لاکھ روپے آمدن ہوگی۔انہوں نے کہا کہ پنجاب میں خواتین کو کسی سے خوفزدہ ہونے کی ضرورت نہیں ہے، ای ٹیکسی اسکیم خواتین کے روزگار کے حصول میں کلیدی کردار ادا کرے گی، پنجاب میں خواتین کو روزگار کے مواقع فراہم کیے جارہے ہیں۔
مریم نواز نے کہا کہ پنجاب کی ہر بیٹی محفوظ ہے، کسی نے نقصان پہنچانے کی کوشش کی تو اپنا انجام یاد رکھے۔وزیراعلیٰ پنجاب نے کہا کہ ای ٹیکسی اسکیم میں 4 ارب روپے کی سبسڈی دی ہے، خواتین ڈرائیوروں کے لیے 60 فیصد اور مرد ڈرائیوروں کے لیے 50 فیصد ڈاؤن پیمنٹ حکومتِ پنجاب ادا کرے گی۔ پہلے مرحلے میں ای ٹیکسی اسکیم میں 1100 ای وہیکل دی جائیں گی۔وزیراعلیٰ پنجاب نے کہا کہ پنجاب کی ہر تحصیل میں گرین بسوں کو پہنچائیں گے، پہلے ہم ہر ڈسٹرکٹ میں گئے، اب ہر تحصیل میں گرین بسز پہنچائیں گے، آج گرین اور الیکٹرک بسوں نے پنجاب کے ٹرانسپورٹ نظام میں انقلاب برپا کیا ہے۔