پاکستان موسمیاتی تبدیلیوں سے شدید متاثرہ ممالک میں شامل ہے مصدق ملک

پاکستان نیوز پوائنٹ
وفاقی وزیر موسمیاتی تبدیلی مصدق ملک نے کہا ہے کہ پاکستان موسمیاتی تبدیلیوں سے شدید متاثرہ ملکوں میں شامل ہے۔ دوشنبے میں بین الاقوامی واٹر کانفرنس سے خطاب کرتے ہوئے انہوں نے کہا کہ گزشتہ برسوں میں متعدد بار شدید ترین سیلاب کا سامنا کرنا پڑا۔انہوں نے کہا کہ دنیا بھر میں 2 ارب آبادی کو پینے کا صاف پانی میسر نہیں، پاکستان کا کاربن کے اخراج میں ایک فیصد سے بھی کم حصہ ہے۔مصدق ملک نے کہا کہ بھارت سندھ طاس معاہدے کی مسلسل خلاف ورزی کر رہا ہے۔ وفاقی وزیر موسمیاتی تبدیلی کا مزید کہنا تھا کہ دنیا بھر خصوصاً افریقہ میں پانی کی شدید قلت کا سامنا ہے۔