پاکستان 30 ایرانی شہریوں کی واپسی میں معاونت کر رہا ہے اسحاق ڈار

پاکستان نیوز پوائنٹ
سوشل میڈیا پلیٹ فارم ایکس پر جاری بیان میں نائب پاکستانی وزیر اعظم اور وزیر خارجہ اسحاق ڈار نے کہا ہے 30 ایرانی شہریوں کی واپسی میں معاونت پر پاکستان خوشی کا اظہار کرتا ہے۔اسحاق ڈار کے مطابق ان میں آٹھ ایرانی ماہی گیر شامل ہیں جنھیں برطانوی جہاز ایم ایم اے ویلر نے سمندر میں اس وقت بچایا جب ان کی کشتی ریت میں پھنس گئی تھی، جبکہ دیگر 22 ایرانی عملے کے ارکان اس لینور/ڈاوینا جہاز سے ہیں جسے حال ہی میں امریکی حکام نے روکا تھا۔ متوقع طور پر دونوں گروپ آئندہ دنوں میں کراچی کے راستے سفر کریں گے۔اسحاق ڈار نے مزید لکھا: ’ہم ایرانی، امریکی اور برطانوی حکام کے ساتھ قریبی رابطے میں ہیں تاکہ ایرانی شہریوں کی محفوظ منتقلی اور جلد وطن واپسی کو یقینی بنایا جا سکے۔ پاکستان انسانی ہمدردی کے تعاون اور اپنے ایرانی بھائیوں کی ہر ممکن مدد کے عزم پر قائم ہے